Мабільная версія
ДЗЯРЖОРГАНЫ

Апошнія навіны
Усе навіны

Адкрыўся рух па завершанай другой Мінскай кальцавой аўтадарозе

Прэзідэнт 22.12.2016 | 12:19

22 снежня, Дзяржынскі раён /Кар. БЕЛТА/. Адкрыўся рух па завершанай другой Мінскай кальцавой аўтамабільнай дарозе (МКАД-2). Сімвалічную стужку перарэзаў Прэзідэнт Беларусі Аляксандр Лукашэнка, перадае карэспандэнт БЕЛТА.

Урачыстая цырымонія пачалася пазней, чым планавалася. Кіраўнік дзяржавы растлумачыў, што сёння раніцай сустракаўся з экс-прэзідэнтам Украіны Леанідам Кучмам. "Калі Прэзідэнт Украіны прысылае другога прэзідэнта, то, вядома, трэба было сустрэцца і пагаварыць з ім. Таму мы з раніцы займаліся праблемамі, якія аб'ядноўваюць Украіну і Беларусь", - сказаў Аляксандр Лукашэнка.

Размаўляючы з прадстаўнікамі працоўных калектываў дарожна-будаўнічых арганізацый-падрадчыкаў, Аляксандр Лукашэнка падзякаваў ім за праведзеную работу. Паводле яго слоў, траса атрымалася прыгожая і надзейная. "Пройдзе шмат гадоў, і мы будзем ганарыцца тым, што пабудавалі такую дарогу", - перакананы Прэзідэнт.

Аляксандр Лукашэнка расказаў, што цяпер вядуцца дарожна-будаўнічыя работы на гродзенскім напрамку. "Я вельмі хацеў, каб Сусветны банк прафінансаваў гэту дарогу. Вядома, яны пазычаюць грошы, але грошы недарагія - гэта нам выгадна. Але для мяне было важна захаваць працоўныя калектывы і каб нашы будаўнічыя трэсты атрымалі работу. Работу за гэтыя еўрапейскія або сусветныя грошы. Малайцы, выйгралі конкурс. Але, калі б мы не пабудавалі гэту дарогу, мы не мелі б гэтага падраду. А цяпер мы і заказчыкі, і падрадчыкі, таму што ў нас ёсць вопыт у будаўніцтве. Усе на ўзроўні Сусветнага банка прызналі, што мы будуем дарогу ў два-тры разы танней, чым такія дарогі будуюць нашы суседзі", - звярнуў увагу кіраўнік дзяржавы.

Пасля сустрэчы з працоўнымі калектывамі Прэзідэнт праехаў па ўчастку трасы на сучаснай мадэлі гарадскога аўтобуса вытворчасці МАЗ, азнаёміўся з тэхнічнымі характарыстыкамі і добраўпарадкаваннем другой Мінскай кальцавой аўтамабільнай дарогі.

Агульная працягласць новай кальцавой вакол Мінска складае амаль 160 км. Прычым участак даўжынёй 88 км праходзіць у новым напрамку, а 72 км сумешчаны з існуючымі аўтамабільнымі дарогамі.

Пры праектаванні МКАД-2 улічана сетка аўтамабільных дарог, існуючая і перспектыўная жылая і дачная забудова, межы рэкрэацыйных зон, прыродаахоўных тэрыторый і мясцін, якія ўяўляюць гістарычную каштоўнасць.

Будаўніцтва трасы ажыццяўлялася ў два этапы. Спачатку работы вяліся на ўчастку ад аўтадарогі М-3 Мінск - Віцебск да аўтадарогі М-6/Е28 Мінск - Гродна - граніца Польшчы (Брузгі), затым - на ўчастку ад аўтадарогі М-6/Е28 Мінск - Гродна - граніца Польшчы (Брузгі) да аўтадарогі М-1/Е30 Брэст (Казловічы) - Мінск - граніца Расіі (Рэдзькі).

Другая кальцавая аўтадарога пракладзена з максімальна магчымай аддаленасцю ад населеных пунктаў, садоўніцкіх таварыстваў і без зносу збудаванняў. Разліковая скорасць руху па трасе - 120 км/гадз.

Асаблівасцю будаўніцтва аўтамабільнай дарогі стала шырокае прымяненне цэментабетону для стварэння пакрыцця. Асноўнымі адрозненнямі такога пакрыцця ад асфальтавага з'яўляюцца павышаная даўгавечнасць дарожнага адзення, зніжэнне затрат на рамонт і ўтрыманне, магчымасць прымянення мясцовых дарожна-будаўнічых матэрыялаў.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.