ДЗЯРЖОРГАНЫДЗЯРЖОРГАНЫ
Флаг Нядзеля, 22 мая 2022
Мінск Суцэльная воблачнасць +7°C
Усе навіны
Усе навіны
Прэзідэнт
22 снежня 2021, 16:27

"Аб'яднаць у вобласці добрых людзей і не сячы з-за пляча". Лукашэнка паставіў задачу губернатару Крупко

Аляксандр Лукашэнка і Іван Крупко
Аляксандр Лукашэнка і Іван Крупко

22 снежня, Гомель /Кар. БЕЛТА/. Прэзідэнт Беларусі Аляксандр Лукашэнка на сустрэчы з актывам Гомельскай вобласці паставіў перад губернатарам задачу аб'яднаць у рэгіёне людзей і не сячы з-за пляча, прымаючы рашэнні, перадае карэспандэнт БЕЛТА.

Кіраўнік дзяржавы звярнуў увагу, што ў Беларусі ў хуткім часе будзе праведзена важнейшая палітычная кампанія і наконт гэтага не павінна быць празмернага хвалявання. "Але аб'яднаць вобласць трэба, сабраць добрых людзей, не трэба сячы з-за пляча, - сказаў ён. - Людзям заўсёды трэба даваць шанц".

Аднак з тымі, хто па нейкіх прычынах не жадае працаваць, трэба расставацца без усялякага шкадавання, упэўнены беларускі лідар. "Час вельмі спрасаваны, напружаны. Таму трэба дзейнічаць, трэба бегчы. Хто ўпаў, захварэў і іншае - будзем лячыць. Хто пачаў кульгаць - таксама падлечым. Але той, хто не хоча (працаваць. - Заўвага БЕЛТА) - не крыўдзіцеся", - дадаў Прэзідэнт.

Звяртаючыся да новага старшыні Гомельскага аблвыканкама, Аляксандр Лукашэнка пажадаў: "Поспехаў! Я вельмі хачу, каб у цябе атрымалася".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі