ДЗЯРЖОРГАНЫДЗЯРЖОРГАНЫ
Аўторак, 13 красавіка 2021
Мінск Пераменная воблачнасць +16°C
Усе навіны
Усе навіны
Прэзідэнт
23 лістапада 2020, 11:21

Аб сітуацыі ў арміі, дэструктыўных сілах і патрыятызме - Лукашэнка прыняў з дакладам міністра абароны

Аляксандр Лукашэнка і Віктар Хрэнін
Аляксандр Лукашэнка і Віктар Хрэнін

23 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка прыняў сёння з дакладам міністра абароны Віктара Хрэніна, перадае карэспандэнт БЕЛТА.

У першую чаргу кіраўнік дзяржавы пацікавіўся, як складваецца сітуацыя ва Узброеных Сілах: "Вы ўжо дастаткова часу працуеце на пасадзе міністра. Мы за гэты перыяд прайшлі сур'ёзны этап, нам давялося і адмабілізоўваць часці, падымаць і выстаўляць іх на найбольш небяспечныя напрамкі, як нам тады ўяўлялася, ды і цяпер. Пасля ўсіх нашых мерапрыемстваў, звальнення ў запас і прызыву на тэрміновую ваенную службу, які стан Узброеных Сіл, якія асноўныя праблемы?"

Яшчэ адной тэмай сустрэчы Прэзідэнт абазначыў пытанні процідзеяння дэструктыўным сілам, якія спрабуюць расхістаць краіну, і патрыятычнага выхавання моладзі. "Або не проста расхістаць, а разбурыць, - заявіў ён. - Мы бачым як адзін з асноўных недахопаў у гэтай сітуацыі адсутнасць сапраўднага патрыятызму, асабліва ў нашых мужыкоў. Перш за ўсё, у тых (бачым па студэнтах), якія не прайшлі службу ва Узброеных Сілах, якія не каштавалі гэтага хлеба. Праўда, ёсць і сярод прайшоўшых, але гэта адзінкі. Таму ў патрыятычным выхаванні ў нас вялікі прабел, яго трэба ліквідаваць. Якім чынам мы гэта будзем рабіць?" - пацікавіўся кіраўнік дзяржавы ў міністра абароны яго прапановамі.

"Як я часта кажу, свет наогул звар'яцеў: апошнім часам усё больш і больш напружаных кропак. Запатрабаванасць у міратворчых аперацыях узрастае, мы з'яўляемся ўдзельнікамі міратворчых місій Арганізацыі Аб'яднаных Нацый. Які тут стан спраў?" - спытаў Прэзідэнт.

У ліпені Аляксандр Лукашэнка наведаў 103-ю Віцебскую паветрана-дэсантную брыгаду. Там ён падрабязна азнаёміўся з баявымі магчымасцямі міратворчай роты, яе экіпіроўкай, узбраеннем і ваеннай тэхнікай, умовамі жыцця і побыту ваеннаслужачых. "Дзе, магчыма, нам давядзецца ў якасці міратворцаў удзельнічаць? Які тут стан: маральны, тэхнічны і фінансавы? Бо гэта пэўныя затраты, праўда, ААН іх кампенсуе. Але тым не менш", - дадаў кіраўнік дзяржавы.

Прэзідэнт таксама пацікавіўся кадравай работай ва Узброеных Сілах і фінансавым станам беларускай арміі: "Новы год пачынаецца, што нам яшчэ неабходна зрабіць?"

Як заявіў Віктар Хрэнін, сітуацыя ў арміі сёння кантралюемая і кіруемая, Узброеныя Сілы гатовы да выканання задач па прызначэнні. "Мерапрыемствы плана падрыхтоўкі Узброеных Сіл, нягледзячы на ўсе цяжкасці, выкананы на 100 працэнтаў", - падкрэсліў міністр абароны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі