14 чэрвеня, Мінск /Кар. БЕЛТА/. Дэпутаты ўсіх узроўняў і члены Савета Рэспублікі Нацыянальнага сходу перадалі арыгінал звароту да міжнароднай супольнасці ў сувязі з сітуацыяй вакол Беларусі і падпісныя лісты ў Міністэрства замежных спраў для накіравання па дыпламатычных каналах у ААН і іншыя міжнародныя структуры, паведаміў сёння журналістам старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец, перадае карэспандэнт БЕЛТА.
"Вы ведаеце, што члены Савета Рэспублікі, дэпутаты ўсіх узроўняў прынялі зварот да ўсёй сусветнай супольнасці, звязаны з сітуацыяй, якая складваецца апошнім часам вакол нашай краіны. І сітуацыя ў першую чаргу звязана з беспрэцэдэнтным палітычным, інфармацыйным і санкцыйным націскам на нашу краіну з боку калектыўнага Захаду. Мы завяршылі работу па зборы арыгіналаў падпісных лістоў з аўтэнтычнымі подпісамі ўсіх дэпутатаў і членаў Савета Рэспублікі для наступнай перадачы Міністэрству замежных спраў, якое ў сваю чаргу перадасць усе падпісныя лісты ў міжнародныя і міжурадавыя арганізацыі. І мы вельмі спадзяёмся, што ў самы бліжэйшы час мы атрымаем адпаведную рэакцыю на гэты зварот", - сказаў Сяргей Сівец.
Парламентарыі разлічваюць, што звароту будзе нададзены статус афіцыйнага дакумента Арганізацыі Аб'яднаных Нацый.-0-
