9 снежня, Бішкек /Кар. БЕЛТА/. Асновай для супрацоўніцтва ў ЕАЭС служыць цвёрдая прыхільнасць краін да інтэграцыі. Аб гэтым заявіў Прэзідэнт Кыргызстана Садыр Жапараў, адкрываючы ў Бішкеку пасяджэнне Вышэйшага Еўразійскага эканамічнага савета, перадае карэспандэнт БЕЛТА.
"Прыемна адзначыць, што нам удалося сабрацца ў вочным фармаце за апошнія тры гады. Усё ж такі гэты фармат з'яўляецца найбольш эфектыўным і прадуманым", - сказаў Садыр Жапараў.
Прэзідэнт Кыргызстана адзначыў, што гэты саміт ЕАЭС праходзіць ва ўмовах глабальнай фінансава-эканамічнай турбулентнасці і постпандэмійнага крызісу. "Назіраецца вялікая нагрузка на эканомікі дзяржаў - членаў Еўразійскага эканамічнага саюза. У такіх няпростых умовах надзвычай важна рабіць усё залежнае ад нас як кіраўнікоў дзяржаў для ўзаемавыгаднага гандлёва-эканамічнага і інвестыцыйнага партнёрства паміж нашымі краінамі. Агульная цвёрдая прыхільнасць еўразійскай інтэграцыі з'яўляецца трывалай асновай для развіцця і ўмацавання супрацоўніцтва ў рамках саюза, фарміравання мастоў паміж еўразійскім і іншымі рэгіянальнымі і глабальнымі рынкамі", - падкрэсліў ён.-0-