16 жніўня, Масква /Эдуард Півавар - БЕЛТА/. Абстаноўка на граніцы Таджыкістана і Афганістана цалкам кантралюецца, неабходнасці ў задзейнічанні механізмаў АДКБ няма. Аб гэтым гаворыцца ў паступіўшым у БЕЛТА каментарыі генеральнага сакратара АДКБ Станіслава Зася ў сувязі з рэзкім змяненнем сітуацыі ў Афганістане.
Станіслаў Зась адзначыў, што імклівае наступленне руху "Талібан", пераход пад яго кантроль асноўнай часткі тэрыторыі Афганістана, уключаючы дзяржаўныя граніцы і сталіцу горад Кабул, а таксама фактычная змена ўлады ў краіне істотна ўплываюць на абстаноўку ў Цэнтральна-Азіяцкім рэгіёне калектыўнай бяспекі АДКБ і выклікаюць глыбокую занепакоенасць.
"У АДКБ уважліва адсочваюць развіццё сітуацыі на таджыкска-афганскай граніцы, - заявіў генеральны сакратар. - Галоўнай мэтай арганізацыі ў цяперашніх умовах застаецца забеспячэнне бяспекі дзяржаў - членаў АДКБ. Прыярытэт у дзейнасці арганізацыі пры гэтым па-ранейшаму аддаецца палітыка-дыпламатычным сродкам. У выпадку абвастрэння абстаноўкі і пагрозы бяспецы Рэспублікі Таджыкістан для аказання дапамогі саюзніку будуць прыняты ўсе неабходныя калектыўныя меры, прадугледжаныя статутнымі дакументамі".
Станіслаў Зась праінфармаваў, што сёння адбыліся тэлефонныя перагаворы яго і міністра абароны Таджыкістана Шэралі Мірзо і сакратара Савета бяспекі гэтай краіны Насруло Махмудзода. "На гэты час таджыкскія сілавыя структуры цалкам кантралююць сітуацыю на граніцы і неабходнасці ў задзейнічанні механізмаў АДКБ няма", - заявіў ён.
Паводле слоў генеральнага сакратара, пачалася ўжо непасрэдная падрыхтоўка да вучэнняў Калектыўных сіл АДКБ, якія ў бліжэйшыя месяцы пройдуць паблізу таджыкска-афганскай граніцы.
"Несумненна, што сітуацыя вакол Афганістана будзе адным з галоўных пытанняў абмеркавання ў час маючай адбыцца сесіі Савета калектыўнай бяспекі АДКБ, якая пройдзе ў сярэдзіне верасня ў сталіцы Рэспублікі Таджыкістан горадзе Душанбэ", - дадаў генеральны сакратар АДКБ.-0-
Станіслаў Зась адзначыў, што імклівае наступленне руху "Талібан", пераход пад яго кантроль асноўнай часткі тэрыторыі Афганістана, уключаючы дзяржаўныя граніцы і сталіцу горад Кабул, а таксама фактычная змена ўлады ў краіне істотна ўплываюць на абстаноўку ў Цэнтральна-Азіяцкім рэгіёне калектыўнай бяспекі АДКБ і выклікаюць глыбокую занепакоенасць.
"У АДКБ уважліва адсочваюць развіццё сітуацыі на таджыкска-афганскай граніцы, - заявіў генеральны сакратар. - Галоўнай мэтай арганізацыі ў цяперашніх умовах застаецца забеспячэнне бяспекі дзяржаў - членаў АДКБ. Прыярытэт у дзейнасці арганізацыі пры гэтым па-ранейшаму аддаецца палітыка-дыпламатычным сродкам. У выпадку абвастрэння абстаноўкі і пагрозы бяспецы Рэспублікі Таджыкістан для аказання дапамогі саюзніку будуць прыняты ўсе неабходныя калектыўныя меры, прадугледжаныя статутнымі дакументамі".
Станіслаў Зась праінфармаваў, што сёння адбыліся тэлефонныя перагаворы яго і міністра абароны Таджыкістана Шэралі Мірзо і сакратара Савета бяспекі гэтай краіны Насруло Махмудзода. "На гэты час таджыкскія сілавыя структуры цалкам кантралююць сітуацыю на граніцы і неабходнасці ў задзейнічанні механізмаў АДКБ няма", - заявіў ён.
Паводле слоў генеральнага сакратара, пачалася ўжо непасрэдная падрыхтоўка да вучэнняў Калектыўных сіл АДКБ, якія ў бліжэйшыя месяцы пройдуць паблізу таджыкска-афганскай граніцы.
"Несумненна, што сітуацыя вакол Афганістана будзе адным з галоўных пытанняў абмеркавання ў час маючай адбыцца сесіі Савета калектыўнай бяспекі АДКБ, якая пройдзе ў сярэдзіне верасня ў сталіцы Рэспублікі Таджыкістан горадзе Душанбэ", - дадаў генеральны сакратар АДКБ.-0-