6 сакавіка, Мінск /Аліна Грышкевіч - БЕЛТА/. Актуальныя пытанні міжнароднай і рэгіянальнай бяспекі былі дэталёва разгледжаны на сустрэчы, якая адбылася 5 сакавіка ў Дзяржаўным сакратарыяце Савета бяспекі Беларусі, паведамілі карэспандэнту БЕЛТА ў ведамстве.
fff1
"Гэта тэма была асноўнай на перагаворах дзяржаўнага сакратара Савета бяспекі Беларусі Андрэя Раўкова і міністра абароны нашай краіны Віктара Хрэніна з генеральным сакратаром Арганізацыі Дагавора аб калектыўнай бяспецы Станіславам Засем, - падкрэслілі ў Дзяржсакратарыяце. - Адбыўся абмен думкамі па актуальных пытаннях міжнароднай і рэгіянальнай бяспекі".
fff2
Акрамя таго, на сустрэчы абмяркоўвалася тэматыка ўзаемадзеяння Беларусі ў АДКБ, а таксама ход падрыхтоўкі да міжсесіённых пасяджэнняў Камітэта сакратароў саветаў бяспекі і Савета міністраў абароны.
"Бакі падзяліліся меркаваннямі аб далейшым павышэнні эфектыўнасці дзейнасці Арганізацыі Дагавора аб калектыўнай бяспецы", - рэзюмавалі ў ведамстве.-0-