Сцяг Пятніца, 29 сакавіка 2024
Усе навіны
Усе навіны
Палітыка
17 лютага 2020, 11:15

Законапраект аб партыях можа быць разгледжаны парламентарыямі ў першым чытанні ў 2020 годзе

17 лютага, Мінск /Кар. БЕЛТА/. Законапраект аб партыях можа быць разгледжаны парламентарыямі ў першым чытанні ў 2020 годзе. Аб гэтым у інтэрв'ю праграме "Тыдзень" на тэлеканале СТБ паведаміў міністр юстыцыі Алег Сліжэўскі, паведамляе БЕЛТА.

У жніўні 2019 года завяршылася грамадскае абмеркаванне праекта закона "Аб змяненні законаў па пытаннях дзейнасці палітычных партый і іншых грамадскіх аб'яднанняў". У верасні ён быў унесены на разгляд урада, у снежні - накіраваны ў Палату прадстаўнікоў Нацыянальнага сходу.

Паводле слоў міністра, у законапраекце няма нейкіх кардынальных змяненняў. "Вядома, грамадскія арганізацыі і палітычныя партыі прапануюць больш мер, якія былі б для іх цікавыя. Пэўны кампраміс знойдзены, на сёння мы можам гаварыць аб тым варыянце законапраекта, які ў прынцыпе ўсе адобрылі", - адзначыў Алег Сліжэўскі.

Першае чытанне законапраекта можа прайсці ўжо ў гэтым годзе, дадаў ён.

Як паведамлялася, праект закона прадугледжвае ўдасканаленне падыходаў да стварэння і дзейнасці грамадскіх аб'яднанняў, палітычных партый, іх арганізацыйных структур, саюзаў. Прапануецца спрасціць атрыманне юрыдычнага адраса, размеркаванне атрымліваемых фінансавых сродкаў, павысіць празрыстасць іх дзейнасці. Таксама плануецца змяніць падыходы да ўмоў стварэння і дзейнасці грамадскіх аб'яднанняў, якія маюць розны статус.-0-

Падпісвайцеся на нас у
Twitter
Топ-навіны
Свежыя навіны Беларусі