25 мая, Мінск /Кар. БЕЛТА/. Старшыня Савета Рэспублікі Наталля Качанава на пасяджэнні пятай сесіі Савета Рэспублікі Нацыянальнага сходу Рэспублікі Беларусь сёмага склікання зрабіла заяву аб сумесным пасяджэнні палат парламента з удзелам Прэзідэнта Аляксандра Лукашэнкі, перадае карэспандэнт БЕЛТА.
"Вы ведаеце, што сёння раніцай адбылося пасяджэнне Палаты прадстаўнікоў. Мы сёння сустрэліся са старшынёй Палаты прадстаўнікоў Уладзімірам Андрэйчанкам, абмеркавалі актуальныя пытанні парадку дня работы дзвюх палат - Палаты прадстаўнікоў і Савета Рэспублікі, - сказала Наталля Качанава. - Ведаючы аб тым, што Прэзідэнт хацеў выступіць з заявай, мы звярнуліся да яго з просьбай, каб Аляксандр Рыгоравіч выступіў перад парламентарыямі, дзе можна было б абмеркаваць актуальныя пытанні знешняй і ўнутранай палітыкі. І кіраўнік дзяржавы прыняў нашу прапанову".
Спікер дадала: "Заўтра ў Авальнай зале адбудзецца сумеснае пасяджэнне Палаты прадстаўнікоў і Савета Рэспублікі, дзе мы сустрэнемся з нашым Прэзідэнтам".-0-