ДЗЯРЖОРГАНЫДЗЯРЖОРГАНЫ
Флаг Аўторак, 24 мая 2022
Мінск Ясна +18°C
Усе навіны
Усе навіны
Палітыка
29 снежня 2021, 10:09

Захарава: Саюзнай дзяржаве важна абараняцца ад інфармацыйных пагроз

Фота ТАСС
Фота ТАСС

29 снежня, Мінск /Кар. БЕЛТА/. Саюзнай дзяржаве неабходна абараняцца ад інфармацыйных пагроз звонку, якія з'яўляюцца вынікам прамой агрэсіі ў адносінах да РФ і Беларусі. Аб гэтым заявіла афіцыйны прадстаўнік МЗС РФ Марыя Захарава ў інтэрв'ю тэлеканалу "БелРос", паведамляе ТАСС.

"Нам важна абараняцца ад тых інфармацыйных пагроз, якія ўжо даўным-даўно не з'яўляюцца нават пагрозамі, а з'яўляюцца вынікам прамой агрэсіі ў адносінах да нашых краін", - сказала Марыя Захарава.

Яна адзначыла, што дзвюм краінам таксама неабходна развіваць новыя сродкі масавых камунікацый, падкрэсліўшы, што для гэтага спатрэбіцца сумесная работа на розных напрамках.

"Для гэтага патрабуецца і заканадаўчая база, і ўзаемадзеянне па лініі розных нашых ведамстваў, і, вядома, саюзных органаў, - сказала афіцыйны прадстаўнік МЗС РФ. - Трэба тыя рэсурсы, якія ў нас ёсць, таксама актыўным чынам развіваць, не па астаткавым прынцыпе і не саромецца, а наадварот, падцягваць сучасныя формы камунікацыі".

Марыя Захарава таксама заявіла, што захаванне міру стане галоўнай задачай знешнепалітычнага ведамства Расіі ў наступным годзе. Дыпламат адзначыла, што часта стан міру на міжнароднай арэне памылкова ўспрымаецца як натуральная рэч, хоць на самай справе захаванне і падтрыманне міру з'яўляецца вельмі складанай задачай. "За мір трэба змагацца, гэта абсалютна ненатуральны для нашай планеты стан, гэта стан, якога трэба дасягаць, і трэба рабіць гэта прафесійна", - дадала Марыя Захарава.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі