3 снежня, Мінск /Кар. БЕЛТА/. Фарматы вясковага побыту трэба імпартаваць з Беларусі. Такое меркаванне ў інтэрв'ю тэлеканалу АНТ выказаў Прэзідэнт Грузіі Георгій Маргвелашвілі, паведамляе БЕЛТА.
Георгій Маргвелашвілі адзначыў поспехі Беларусі ў жывёлагадоўлі і вырошчванні сельгаскультур. Ён падкрэсліў, што відаць поспехі ў стварэнні стабільнай базы для ўпэўненасці вясковага жыхара ў перспектывах. "З Беларусі трэба імпартаваць фарматы развіцця вясковага побыту", - сказаў ён.
Гаворачы аб асабістых кантактах на вышэйшых узроўнях пры развіцці адносін паміж дзяржавамі, Георгій Маргвелашвілі адзначыў, што заўсёды існуе інтарэс да асобы Прэзідэнта Беларусі. "Асоба Аляксандра Рыгоравіча, я думаю, адыгрывае асаблівае значэнне не толькі для мяне, але і для іншых маіх калег - таму што наконт Беларусі мы часта гаворым з іншымі прэзідэнтамі. Ва ўсіх, з кім я размаўляў, ёсць інтарэс да асобы Аляксандра Рыгоравіча. Для мяне сэнс гэтага інтарэсу зыходзіць з таго, што я бачу лідара, які даў адказ на пытанне - як не раскрадаць краіну, як захаваць дзяржаву, якая пераходзіць на новы фармат эканомікі, пераходзіць на рыначныя адносіны, аднак гэтыя рыначныя адносіны і новы фармат не ідуць праз "лунку" жыцця", - растлумачыў Георгій Маргвелашвілі.-0-
