13 красавіка, Мінск /Кар. БЕЛТА/. Дзяржаўны сакратар Савета бяспекі Рэспублікі Беларусь Аляксандр Вальфовіч 13 красавіка сустрэўся з намеснікам сакратара Савета бяспекі Расійскай Федэрацыі Алегам Храмавым, паведамляе карэспандэнт БЕЛТА.
На сустрэчы былі абмеркаваны пытанні ўзаемадзеяння Беларусі і Расіі па фарміраванні адзіных канцэптуальных падыходаў у сферы інфармацыйнай бяспекі Саюзнай дзяржавы.
Удзельнікі адзначылі эфектыўнасць сумесных намаганняў, што прыкладаюцца ў галіне забеспячэння інфармацыйнай бяспекі як важнай часткі саюзнай інтэграцыі. Яны падкрэслілі рэзультатыўнасць беларуска-расійскіх міжведамасных кансультацый, якія адбыліся 13 красавіка ў Мінску.
На перагаворах было выказана меркаванне, што ва ўмовах націску на нашы дзяржавы з боку калектыўнага Захаду сустрэчы беларускіх і расійскіх экспертаў па розных напрамках дзейнасці даюць магчымасць кансалідаваць сумесныя намаганні ў процістаянні сучасным выклікам і пагрозам рэгіянальнай бяспецы. Супрацоўніцтва апаратаў саветаў бяспекі дзвюх дзяржаў садзейнічае больш цеснай каардынацыі стратэгічных міждзяржаўных адносін.-0-