17 чэрвеня, Мінск /Кар. БЕЛТА/. Ва ўмовах глабалізацыі і інтэрнацыяналізацыі ўзрастае роля малых і сярэдніх дзяржаў. Такое меркаванне, каменціруючы агучаныя Прэзідэнтам Беларусі Аляксандрам Лукашэнкам ініцыятывы на саміце ШАС, накіраваныя на паніжэнне градуса сусветнай напружанасці, выказаў у эфіры тэлеканала "Беларусь 1" старшыня Пастаяннай камісіі па міжнародных справах Палаты прадстаўнікоў Валерый Варанецкі, паведамляе БЕЛТА.
"Прагучалі тыя ініцыятывы, якія з'яўляюцца сёння актуальнымі і вельмі важны для стабілізацыі міжнародных адносін. Свет сёння сапраўды крыху дэстабілізаваны з-за тых працэсаў, якія пачаліся пасля распаду Савецкага Саюза і парушэння балансу сіл, што склаўся ў свой час", - сказаў старшыня камісіі.
Валерый Варанецкі падкрэсліў, што Прэзідэнт шмат удзяліў увагі пытанням глабальнай бяспекі, развіцця супрацоўніцтва паміж краінамі, умацавання ролі і значэння малых і сярэдніх дзяржаў у міжнародных адносінах. "Сёння ва ўмовах глабалізацыі і інтэрнацыяналізацыі як гаспадарчага жыцця, так і міжнародных адносін у цэлым, безумоўна, роля малых і сярэдніх дзяржаў узрастае. Такіх прыкладаў нямала. У тым ліку калі ўзяць Беларусь: у сваім рэгіёне мы адыгрываем значную ролю як донар стабільнасці, бяспекі. Сёння мы запатрабаваны і на Захадзе, і на Усходзе", - адзначыў парламентарый. Ён звярнуў увагу, што ў Беларусі праводзяцца значныя канферэнцыі, форумы, мерапрыемствы, у тым ліку і мультыспартыўная падзея - II Еўрапейскія гульні. "Гэта ўсё ўклад у стабільнасць і бяспеку, ва ўмацаванне дружбы і супрацоўніцтва, даверу", - перакананы дэпутат.
У сваю чаргу галоўны рэдактар часопіса "Национальная оборона" (Расія) Ігар Каротчанка лічыць, што ў практычным плане сапраўды неабходна выходзіць на пошук новых фарматаў забеспячэння міжнароднай бяспекі. "Не толькі Хельсінкі могуць служыць месцам, дзе можа быць абмеркавана бяспека Еўропы, але і Мінск можа быць не менш аўтарытэтнай і нават больш зручнай пляцоўкай для правядзення міжнародных форумаў па пытаннях бяспекі", - сказаў ён.-0-
