ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Палітыка
03 жніўня 2020, 17:58

Уступнае слова Качанавай на адкрыцці трэцяй пазачарговай сесіі Савета Рэспублікі Нацыянальнага сходу Беларусі сёмага склікання

Фота з архіва
Фота з архіва

Уступнае слова Старшыні Савета Рэспублікі Нацыянальнага сходу Рэспублікі Беларусь Н.І.Качанавай на адкрыцці трэцяй пазачарговай сесіі Савета Рэспублікі Нацыянальнага сходу Рэспублікі Беларусь сёмага склікання

Паважаныя члены Савета Рэспублікі і запрошаныя!

Трэцяя пазачарговая сесія Савета Рэспублікі пачынае сваю работу напярэдадні адной з ключавых падзей у грамадска-палітычным жыцці краіны - Паслання Прэзідэнта Рэспублікі Беларусь беларускаму народу і Нацыянальнаму сходу Рэспублікі Беларусь.

Увага да яго традыцыйна вялікая. Звяртаючыся да суграмадзян з праграмным выступленнем, кіраўнік дзяржавы аналізуе стан спраў, фарміруе важнейшыя задачы і мэты сацыяльна-эканамічнага развіцця на перспектыву.

Цяперашняе Пасланне прыпадае на няпросты перыяд у жыцці нашай краіны. Эпідэмія і, як вынік, праблемы ў эканоміцы, палітычная кампанія - усё сышлося разам. Так, цяжкасці не абмінулі нас, але мы не дазволілі ім спыніць эканоміку, парушыць наш прывычны ўклад.

Дзякуючы разважлівым рашэнням кіраўніка дзяржавы, зладжаным дзеянням органаў улады і самаадданай працы нашых грамадзян, асабліва медыкаў, мы змаглі ўзяць пад кантроль эпідэміялагічную сітуацыю і мінімізаваць яе эканамічныя наступствы.

Вядома, што беларускі лідар ніколі не замоўчвае праблемы, гаворыць пра іх адкрыта, прапануе шляхі вырашэння.

Пасланне - гэта арыенцір у рабоце для ўсіх: дзяржаўных органаў, грамадскіх арганізацый, суб'ектаў гаспадарання і для кожнага грамадзяніна нашай краіны.

У ім вызначаюцца асноўныя напрамкі забеспячэння эканамічнага росту, грамадскай бяспекі і правапарадку, сацыяльнай абароны, вырашэння дэмаграфічных і іншых праблем, умацавання пазіцый Беларусі на міжнароднай арэне.

На сустрэчы з парламентарыямі шостага і сёмага скліканняў у снежні мінулага года Прэзідэнт Аляксандр Рыгоравіч Лукашэнка сфармуляваў асноўныя задачы заканадаўцаў на перспектыву. Мы пачалі паслядоўную іх рэалізацыю.

Маючае адбыцца выступленне кіраўніка дзяржавы - знакавая падзея, паколькі яго асноўны адрасат - народ Беларусі - адзіная крыніца дзяржаўнай улады і носьбіт суверэнітэту. Менавіта яму ў бліжэйшыя дні давядзецца выбраць Прэзідэнта нашай краіны. Па сутнасці - вызначыць свой лёс і будучыню нашай незалежнай дзяржавы".

Упэўнена, што грамадзяне Беларусі зробяць правільны выбар - прагаласуюць за захаванне стабільнасці і эвалюцыйнае развіццё дзяржавы ў палітычнай, эканамічнай і сацыяльнай сферах.

Дзякую за ўвагу і жадаю нашай сесіі плённай працы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі