Ушакоў: фармат "СНД плюс" дазволіць падключаць да цеснай работы рэгіянальныя арганізацыі

10 кастрычніка, Мінск /Кар. БЕЛТА/. Ідэя заснавання новага фармату "СНД плюс", які прадугледжвае ўдзел трэціх краін пад эгідай Садружнасці Незалежных Дзяржаў, вельмі карысная. Аб гэтым заявіў памочнік прэзідэнта РФ Юрый Ушакоў у каментарыі тэлеканалу "Расія-1", паведамляе ТАСС.

Такі фармат, паводле яго слоў, дазволіць у тым ліку ўключаць у цесную работу ўсе ключавыя рэгіянальныя арганізацыі. "Сама ідэя вельмі карысная. У залежнасці ад таго, які парадак дня будзе абмяркоўвацца на тым ці іншым пасяджэнні, то можна чакаць падключэння той ці іншай дзяржавы", - адзначыў ён.

Якія менавіта дзяржавы ўжо выказалі жаданне ўвайсці ў "СНД плюс", Ушакоў не ўдакладніў. Пры гэтым, паводле яго слоў, сумесныя саміты "наўрад ці будуць праводзіцца". "Але прадстаўнікі тых ці іншых арганізацый змогуць прысутнічаць на пасяджэннях той жа ШАС, той жа СНД, таго ж БРІКС. У гэтым сэнс", - растлумачыў памочнік прэзідэнта РФ.

МЗС Таджыкістана па выніках саміту кіраўнікоў дзяржаў СНД у Душанбэ праінфармаваў, што лідары краін - членаў арганізацыі заснавалі новы фармат "СНД плюс" і надзялілі Шанхайскую арганізацыю супрацоўніцтва статусам наглядальніка пры Садружнасці.-0-