ДЗЯРЖОРГАНЫДЗЯРЖОРГАНЫ
Флаг Чацвер, 23 верасня 2021
Мінск Пераменная воблачнасць +5°C
Усе навіны
Усе навіны
Палітыка
07 ліпеня 2021, 11:43

У МЗС заявілі аб рашэнні скараціць да мінімуму дыпламатычнае прадстаўніцтва Літвы ў Беларусі

Фота з архіва
Фота з архіва

7 ліпеня, Мінск /Кар. БЕЛТА/. У МЗС заявілі аб рашэнні скараціць да мінімуму дыпламатычнае прадстаўніцтва Літвы ў Беларусі. Аб гэтым гаворыцца ў заяве беларускага знешнепалітычнага ведамства.

У сувязі з сістэматычнымі недружалюбнымі дзеяннямі Літвы, якія груба парушаюць дагавор аб добрасуседстве і супрацоўніцтве паміж Рэспублікай Беларусь і Літоўскай Рэспублікай, сёння ў Міністэрства замежных спраў была выклікана часовы павераны ў справах Літоўскай Рэспублікі ў Рэспубліцы Беларусь Аста Андрыяўскенэ.

"Літоўскаму дыпламату ўказана, у прыватнасці, на катэгарычную непрымальнасць заяў кіраўніцтва МЗС Літвы аб надзяленні нейкіх эфемерных структур у выглядзе офіса так званага беларускага дэмакратычнага прадстаўніцтва ў Вільні афіцыйным дыпламатычным статусам. Вышэйзгаданае рашэнне Літвы прадаўжае серыю зробленых апошнім часам афіцыйным Вільнюсам недарэчных і адкрыта варожых крокаў, якія адкрыта супярэчаць духу і ўзроўню добрасуседскіх адносін і падрываюць двухбаковае супрацоўніцтва", - гаворыцца ў заяве МЗС.

"Відавочна, што з міжнародна-прававога пункту гледжання ўрад Літвы ператварыў свае суверэнныя паўнамоцтвы ў выбудоўванні міждзяржаўных адносін у фарс, у якім беларускі бок не мае намеру прымаць удзел. У сувязі з гэтым да часовага паверанага ў справах даведзена інфармацыя аб рашэнні Беларусі скараціць да мінімуму дыпламатычнае прадстаўніцтва Літвы ў нашай краіне на перыяд да адмены ёю ўчарашняй і іншых недружалюбных ініцыятыў, што распальваюць канфрантацыю ў адносінах з Беларуссю", - заявілі ў ведамстве.

Падкрэслена, што публічныя разважанні афіцыйных асоб Літвы аб так званым прадстаўніцтве беларускай дэмакратыі не маюць нічога агульнага з палажэннямі Венскай канвенцыі аб дыпламатычных зносінах 1961 года. "Па сутнасці гэта толькі чарговае дзіўнае рашэнне МЗС Літвы, якое, кажучы сухой, але дакладнай юрыдычнай мовай, з'яўляецца нікчэмным па сваіх міжнародна-прававых падставах і наступстваў, - адзначаюць у МЗС. - Разам з тым рашэнне прызначана, відавочна, дапамагчы літоўскім уладам абгрунтаваць сваім падаткаплацельшчыкам немалыя фінансавыя расходы на ўтрыманне асоб, якія пакінулі Беларусь і называюць сябе яе прадстаўнікамі. Гэта, бадай, адзіная лагічная трактоўка ўчарашніх вербальных эскапад кіраўніка МЗС Літвы".

У той жа час, звяртаюць увагу ў МЗС, характэрна, што гэты крок фармальна тлумачыцца ў Літве тым, што супрацоўніцтва з так званым афіцыйным прадстаўніцтвам адпавядае мэтам літоўскай знешняй палітыкі і нацыянальнай бяспекі. "Гэта значыць літоўскі бок сам пацвердзіў аўтарства і "прыналежнасць" ініцыятывы па стварэнні, развіцці і фінансаванні гэтага праекта. Вольная і вельмі своеасаблівая інтэрпрэтацыя літоўскімі ўладамі палажэнняў дыпламатычнага і міжнароднага права не падменіць сапраўднага стану спраў", - падкрэслілі ў ведамстве.

"Наданне заведама нелегітымным структурам уяўнага афіцыйнага статусу так і застанецца ілюзорнай спробай сфарміраваць паралельную рэальнасць", - дадалі ў МЗС.

Там таксама заявілі, што беларускі бок прыкладзе намаганні па пошуку спосабаў мінімізацыі наступстваў негатыўных рашэнняў літоўскага ўрада на грамадзян Літвы і знойдзе спосаб да прадаўжэння і захавання ўзаемадзеяння, а таксама традыцыйна добрасуседскіх адносін з дружалюбным літоўскім народам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі