ДЗЯРЖОРГАНЫДЗЯРЖОРГАНЫ
Флаг Панядзелак, 3 кастрычніка 2022
Мінск +4°C
Усе навіны
Усе навіны
Палітыка
22 ліпеня 2022, 17:40

У МЗС канкрэтызаваны асноўныя напрамкі дзейнасці беларускіх дыпмісій

Фота МЗС
Фота МЗС

22 ліпеня, Мінск /Кар. БЕЛТА/. У Міністэрстве замежных спраў адбылося падвядзенне вынікаў штогадовага семінара кіраўнікоў дыпламатычных прадстаўніцтваў і консульскіх устаноў Беларусі. Аб гэтым БЕЛТА паведамілі ў прэс-службе МЗС Беларусі.

На нарадзе з удзелам міністра замежных спраў Уладзіміра Макея прадметна абмеркаваны праблемныя аспекты знешнепалітычнай і знешнеэканамічнай дзейнасці МЗС, вызначаны з улікам стратэгічных установак кіраўніка дзяржавы канкрэтныя мэты беларускай дыпламатыі і кола актуальных задач на бліжэйшую перспектыву. Канкрэтызаваны асноўныя напрамкі дзейнасці дыпмісій у рэгіянальным і краінавым разрэзах.

У сваім дакладзе Уладзімір Макей адзначыў, што Беларусь, знаходзячыся пад дзеяннем незаконных аднабаковых абмежавальных мер і беспрэцэдэнтнага націску з боку заходніх краін, безумоўна, адчувае на сабе ўсе сусветныя глабальныя выклікі ў сферы знешняга гандлю. Гэта абумоўлівае прыярытэтнасць для беларускіх дыпмісій пытанняў павышэння эфектыўнасці знешнеэканамічнай дзейнасці, нарошчвання і паляпшэння якаснай структуры экспарту тавараў і паслуг, асвойвання новых рынкаў і напрамкаў эканамічнага супрацоўніцтва.

Падрабязна разгледжаны перспектывы развіцця адносін з асноўнымі партнёрамі Беларусі - Расійскай Федэрацыяй, краінамі ЕАЭС і СНД, дзяржавамі Азіі, Афрыкі, Лацінскай Амерыкі.

Уладзімір Макей адзначыў, што наша краіна настроена на эфектыўнае ўзаемадзеянне з усімі актарамі міжнародных адносін і адкрыта да ўзаемапаважлівага і ўзаемавыгаднага дыялогу.

Міністр падкрэсліў, што задача беларускай дыпламатыі не проста захаваць незалежную, эканамічна моцную, здольную абараніць сваю тэрытарыяльную цэласнасць і інтарэсы на міжнароднай арэне краіну, але прымножыць патэнцыял і працаваць на далейшае развіццё беларускай дзяржавы.

За час тыднёвага семінара кіраўнікі беларускіх дыпмісій правялі шэраг дзелавых сустрэч з кіраўніцтвам профільных міністэрстваў і ведамстваў, а таксама індывідуальныя кансультацыі з кіраўнікамі дзяржаўных органаў, прадстаўнікамі топ-менеджменту прадпрыемстваў-экспарцёраў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі