26 мая, Мінск /Кар. БЕЛТА/. Першы намеснік міністра замежных спраў Сяргей Алейнік прыняў удзел у шостым пасяджэнні камісіі па гандлёва-эканамічным супрацоўніцтве беларуска-кітайскага міжурадавага камітэта па супрацоўніцтве. Аб гэтым карэспандэнту БЕЛТА паведамілі ў знешнепалітычным ведамстве.
Бакі абмеркавалі стан і перспектывы двухбаковага гандлёвага і інвестыцыйнага супрацоўніцтва, транспартна-лагістычнае ўзаемадзеянне, а таксама рэалізацыю сумеснага праекта - Кітайска-беларускага індустрыяльнага парка "Вялікі камень".
Сяргей Алейнік выступіў з прывітальным словам на арганізаванай Міністэрствам эканомікі ўрачыстай цырымоніі ўзнагароджання кітайскіх арганізацый і кампаній за важкі ўклад у развіццё гандлёва-эканамічнага супрацоўніцтва паміж Беларуссю і Кітаем. Першы намеснік міністра павіншаваў удзельнікаў цырымоніі з 30-годдзем дыпламатычных адносін паміж Беларуссю і Кітаем. Ён высока ацаніў вынікі двухбаковага гандлёва-эканамічнага ўзаемадзеяння, а таксама пацвердзіў стратэгічны характар партнёрства Мінска і Пекіна.
Мерапрыемства адбылося ў індустрыяльным парку "Вялікі камень".-0-
