ДЗЯРЖОРГАНЫДЗЯРЖОРГАНЫ
Флаг Чацвер, 28 кастрычніка 2021
Мінск Ясна +11°C
Усе навіны
Усе навіны
Палітыка
05 жніўня 2021, 16:46

У АДКБ уважліва сочаць за сітуацыяй на таджыкска-афганскай граніцы

Фота з архіва
Фота з архіва

5 жніўня, Масква /Эдуард Півавар - БЕЛТА/. У Арганізацыі Дагавора аб калектыўнай бяспецы ўважліва сочаць за развіццём сітуацыі на таджыкска-афганскай граніцы. Аб гэтым заявіў прэс-сакратар АДКБ Уладзімір Зайнетдзінаў, каменціруючы па просьбе БЕЛТА агульную сітуацыю на граніцы з Афганістанам і вучэнні, якія пачаліся там.

"Вітаем пачатыя сёння вучэнні ўзброеных сіл Расіі, Таджыкістана і Узбекістана на палігонах паблізу граніц з Афганістанам, - сказаў прэс-сакратар. - У АДКБ уважліва сочаць за сітуацыяй на таджыкска-афганскай граніцы і сумежных рэгіёнах. У выпадку рэзкага абвастрэння абстаноўкі і пагрозы Рэспубліцы Таджыкістан у арганізацыі прымуць усе неабходныя меры для аказання дапамогі свайму саюзніку па абароне паўднёвых рубяжоў дзяржаў - членаў АДКБ. Цяпер таджыкскія сілавыя структуры цалкам кантралююць абстаноўку на граніцы і пакуль няма неабходнасці ў задзейнічанні механізмаў АДКБ".

Уладзімір Зайнетдзінаў таксама адзначыў, што ў кастрычніку паблізу таджыкска-афганскай граніцы ў планавым парадку адбудуцца вучэнні з сіламі і сродкамі разведкі ўзброеных сіл дзяржаў - членаў АДКБ "Пошук-2021", падраздзяленнямі матэрыяльна-тэхнічнага забеспячэння "Эшалон-2021" і Калектыўных сіл аператыўнага рэагавання "Узаемадзеянне-2021", якія пройдуць па адзінай задуме.

"У лістападзе ў Таджыкістане таксама запланавана правядзенне тактыка-спецыяльнага вучэння "Кобальт-2021" з фарміраваннямі сіл спецыяльнага прызначэння КСАР АДКБ, накіраванага на адпрацоўку задач па спыненні дзейнасці незаконных узброеных фарміраванняў", - дадаў прэс-сакратар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі