1 лютага, Мінск /Кар. БЕЛТА/. Цэнтрвыбаркам Расіі атрымаў запрашэнне і плануе прыняць удзел у назіранні за рэферэндумам па ўнясенні змяненняў і дапаўненняў у Канстытуцыю Беларусі, паведаміў член ЦВК Расіі Павел Андрэеў. Такая інфармацыя размешчана ў Telegram-канале ЦВК Беларусі, паведамляе БЕЛТА.
Таксама ЦВК Беларусі накіравала запрашэнні ў цэнтральныя выбарчыя органы Азербайджана, Арменіі, Казахстана, Кыргызстана, Малдовы, Туркменістана, Узбекістана.
Права запрашаць замежных (міжнародных) наглядальнікаў таксама маюць Прэзідэнт, Палата прадстаўнікоў, Савет Рэспублікі, Савет Міністраў і Міністэрства замежных спраў.-0-
