15 кастрычніка, Мінск /Кар. БЕЛТА/. Таджыкістан прапануе стварыць у СНД адзіны спіс экстрэмісцкіх і тэрарыстычных арганізацый. Аб гэтым сёння заявіў Прэзідэнт Таджыкістана Эмамалі Рахмон на пасяджэнні Савета кіраўнікоў дзяржаў СНД, перадае карэспандэнт БЕЛТА.
Прэзідэнт Таджыкістана падкрэсліў, што краінам СНД важна прадаўжаць супрацоўнічаць для забеспячэння рэгіянальнай бяспекі, процідзеяння тэрарызму і экстрэмізму ва ўсіх іх праявах.
"Нас таксама непакоіць дзейнасць шэрага забароненых у нашых краінах арганізацый, якія выкарыстоўваюць пляцоўкі міжнародных і рэгіянальных структур для апраўдання сваіх процізаконных дзеянняў. У сувязі з гэтым разлічваем, што прапанаваная Таджыкістанам ідэя аб стварэнні адзінага спіса тэрарыстычных і экстрэмісцкіх арганізацый, забароненых на тэрыторыі дзяржаў-удзельніц, будзе сумесна рэалізавана", - сказаў Эмамалі Рахмон.-0-
