20 сакавіка, Мінск /Кар. БЕЛТА/. Сумеснае пасяджэнне Савета пастаянных паўнамоцных прадстаўнікоў дзяржаў - удзельніц СНД пры статутных і іншых органах Садружнасці і Камісіі па эканамічных пытаннях пры Эканамічным савеце СНД у рэжыме відэаканферэнцсувязі паміж штаб-кватэрай СНД у Мінску і яго аддзяленнем у Маскве адбудзецца 25 сакавіка. Аб гэтым БЕЛТА паведамілі ў прэс-службе Выканкама СНД.
У час мерапрыемства плануецца абмеркаваць праект парадку дня чарговага пасяджэння Савета кіраўнікоў урадаў СНД, намечанага на 29 мая ў Ташкенце, вынікі дзейнасці органаў галіновага супрацоўніцтва СНД у 2019 годзе, а таксама дзейнасць Міжурадавага савета па пытаннях аграпрамысловага комплексу Садружнасці Незалежных Дзяржаў.
Акрамя таго, члены Савета пастаянных прадстаўнікоў разгледзяць пытанне, якое знаходзіцца ў іх кампетэнцыі, аб правядзенні чарговага пасяджэння Савета міністраў замежных спраў СНД.-0-