Фота з архіва
Беларусь як ганаровы госць на 18-м Пуцзянскім інавацыйным форуме маштабна прадставіць інавацыйную прадукцыю. Важнасць гэтага адзначыў у каментарыі карэспандэнту БЕЛТА першы намеснік прэм'ер-міністра Рэспублікі Беларусь Мікалай Снапкоў, які ўзначаліць беларускую дэлегацыю на гэтым міжнародным мерапрыемстве 20-22 верасня ў Шанхаі, а таксама на цырымоніі завяршэння Года навукі, тэхналогій і інавацый Беларусі і Кітая. Цэнтральнай падзеяй форуму стане нацыянальная беларуская экспазіцыя, прадстаўленая дзвюма ключавымі часткамі - распрацоўкі арганізацый Беларусі і дасягненні кітайска-беларускага навукова-тэхнічнага супрацоўніцтва.
Цяньцзінь і будучы Год прамысловай кааперацыі
Першы намеснік прэм'ер-міністра ў цэлым ахарактарызаваў двухбаковае супрацоўніцтва: "Беларуска-кітайскія адносіны развіваюцца ў рэчышчы ўсепагоднага і ўсебаковага стратэгічнага партнёрства, выбудаванага на высокім узроўні асабістых адносін і ўзаемнай павагі паміж Прэзідэнтам Рэспублікі Беларусь Аляксандрам Лукашэнкам і Старшынёй Кітайскай Народнай Рэспублікі Сі Цзіньпінам. Дзякуючы іх палітычнай волі і паслядоўным намаганням двухбаковая кааперацыя выйшла на ўзровень сапраўднага братэрскага ўзаемадзеяння, што ахоплівае ўсе без выключэння сферы".
Мікалай Снапкоў звярнуў увагу, што 2025 год стаў насычаным для беларуска-кітайскіх адносін. Адбылося каля сотні двухбаковых візітаў на розных узроўнях, у тым ліку дзелавых колаў. Кіраўнік дзяржавы двойчы наведаў Кітай, у тым ліку для ўдзелу ў саміце Шанхайскай арганізацыі супрацоўніцтва і ваенным парадзе з нагоды 80-годдзя Перамогі кітайскага народа ў Вайне супраціўлення японскім захопнікам.
"На сустрэчы 31 жніўня 2025 года ў г.Цяньцзіні лідары Беларусі і Кітая абазначылі новыя перспектывы далейшага ўзаемадзеяння па ключавых напрамках, - звярнуў увагу першы намеснік прэм'ер-міністра. - Яны дамовіліся, што наступныя два гады стануць гадамі супрацоўніцтва Беларусі і Кітая ў галіне прамысловай кааперацыі. На мой погляд, гэта з'яўляецца лагічным працягам перакрыжаваных гадоў супрацоўніцтва ў галіне навукі, тэхналогій і інавацый, вынікі якіх мы падвядзём у рамках 18-га Пуцзянскага інавацыйнага форуму".
Навукова-тэхнічнае супрацоўніцтва: ад дагавораў да рэальных праектаў
На думку Мікалая Снапкова, вынікам актыўнага беларуска-кітайскага дыялогу стала падпісанне шэрага дагавораў аб супрацоўніцтве паміж навуковымі арганізацыямі. Гэтыя пагадненні - не проста фармальнасць, а аснова для рэальных, узаемавыгадных праектаў.
Ён падкрэсліў, што яскравым прыкладам можа служыць Пагадненне аб стварэнні сумеснага прадпрыемства на тэрыторыі Рэспублікі Беларусь па вытворчасці экспрэс-тэст-сістэм. "Гэта не толькі ўклад у развіццё біятэхналагічнай галіны Беларусі, але і дэманстрацыя гатоўнасці да сумеснага ўкаранення перадавых распрацовак", - заўважыў Мікалай Снапкоў.
Яшчэ адным значным крокам ён назваў пагадненне, падпісанае Акадэміяй сувязі з кітайскімі партнёрамі. У рамках супрацоўніцтва ў галіне навучання тэлекамунікацыйным тэхналогіям на базе Акадэміі сувязі ўжо створаны і функцыянуе навучальны цэнтр. Як лічыць Мікалай Снапкоў, гэта адкрывае новыя гарызонты для падрыхтоўкі высокакваліфікаваных спецыялістаў, здольных працаваць з самымі сучаснымі тэхналогіямі.
Усяго падпісана 16 пагадненняў, што падкрэслівае шырыню ахопу напрамкаў навукова-тэхнічнага партнёрства.
Інавацыі на сусветнай арэне. Экспазіцыі і стажыроўкі
"Актыўны ўдзел беларускіх і кітайскіх вучоных і інжынераў у міжнародных выстаўках таксама з'яўляецца важным складнікам супрацоўніцтва. Прадстаўленыя калектыўныя раздзелы навукова-тэхнічных распрацовак на такіх значных форумах, як Кітайская міжнародная выстаўка імпарту ў Шанхаі і Кітайская выстаўка высокіх тэхналогій у Шэньчжэні, а таксама 18-ы Пуцзянскі інавацыйны форум дазваляюць прадэманстраваць дасягненні абедзвюх краін на глабальнай арэне", - выказаў меркаванне першы віцэ-прэм'ер.
Ён падкрэсліў, што не менш важнай часткай навукова-тэхнічнага абмену з'яўляюцца ўзаемныя стажыроўкі. Яны не толькі садзейнічаюць абмену ведамі і вопытам, але і фарміруюць трывалыя асабістыя сувязі паміж спецыялістамі. Паказальным прыкладам можа служыць стажыроўка спецыялістаў Мінскага навукова-практычнага цэнтра хірургіі, транспланталогіі і гематалогіі ў медыцынскім цэнтры КНР. Гэта непасрэднае ўкараненне перадавых медыцынскіх тэхналогій, якое мае вялікае значэнне для аховы здароўя.
Сярод іншых прыкладаў - навучанне магістрантаў КНР на базе ўстаноў адукацыі Рэспублікі Беларусь, а таксама прапрацоўка арганізацыі стажыровак для беларускіх геолагаў у Кітаі. Падпісанае паміж БДПУ імя М.Танка і Паўночна-Заходнім педагагічным універсітэтам дадатковае пагадненне аб рэалізацыі абмену студэнтамі і акадэмічнай мабільнасці па праграме "Філалагічная адукацыя" сведчыць аб развіцці партнёрства і ў гуманітарнай сферы.
Платформы для інавацый. Стварэнне новых цэнтраў прыцягнення
Мікалай Снапкоў падкрэсліў, што важным крокам стала стварэнне сумеснай лабараторыі "Інтэлектуальнае зандзіраванне". Гэта лабараторыя прызначана аб'яднаць намаганні вучоных для вырашэння актуальных задач у галіне сучасных тэхналогій.
Яшчэ адна знакавая падзея - стварэнне праектнага офіса Кітайскага цэнтра трансферу тэхналогій дзяржаў - членаў ШАС. Гэты офіс павінен стаць мостам для перадачы і ўкаранення перадавых тэхналогій, садзейнічаючы іх камерцыялізацыі і паскоранаму развіццю.
Акрамя таго, створаны сумесны Кітайска-Беларускі цэнтр па супрацоўніцтве ў галіне геалагічных навук. Адкрыты таксама філіял НАН Беларусі ў КНР. Вядзецца работа па стварэнні Кітайска-Беларускай сумеснай лабараторыі па эфектыўным выкарыстанні аграрных і экалагічных рэсурсаў і павышэнні якасці сельскагаспадарчых зямель.
Супрацоўніцтва ў навукова-даследчых праектах
Мікалай Снапкоў звярнуў увагу на той факт, што па выніках сумеснага конкурсу, праведзенага ДКНТ і Міністэрствам навукі і тэхналогій КНР, рэалізуюцца 20 навукова-тэхнічных праектаў (тэрмін рэалізацыі: 2024-2026 гады) па такіх важных напрамках, як ІКТ, біятэхналогіі і медыцына, машынабудаванне, новыя матэрыялы. Вельмі важна, што пачата рэалізацыя трох флагманскіх навукова-тэхнічных праектаў.
А па выніках конкурсу па лініі БРФФД і Нацыянальнага фонду прыродазнаўчых навук Кітая рэалізуюцца 24 навуковыя праекты (тэрмін рэалізацыі да 2026 года) па напрамках: фізіка, матэматыка і інфарматыка, тэхнічныя навукі, хімія і навукі аб Зямлі, медыцынскія і фармацэўтычныя навукі, аграрныя і біялагічныя навукі.
Беларусь - ганаровы госць Пуцзянскага інавацыйнага форуму
З 20 па 22 верасня Шанхай становіцца цэнтрам прыцягнення для сусветнай інавацыйнай супольнасці, прымаючы 18-ы Пуцзянскі інавацыйны форум. Гэта знакавая падзея, адна з вядучых у Кітайскай Народнай Рэспубліцы, збярэ пад дэвізам "Аб'ядноўваючы інавацыі, фарміруючы будучыню" палітыкаў, вучоных і прадстаўнікоў бізнесу для абмеркавання ключавых пытанняў прадпрымальніцтва, фінансаў, развіцця навуковага патэнцыялу, культуры, міжнародных інавацыйных тэндэнцый і перспектыў развіцця эканомікі і прамысловых тэхналогій. Чакаецца, што ў рамках больш як 20 маштабных мерапрыемстваў форуму прымуць удзел звыш 65 тыс. чалавек з розных краін свету.
"Гэта асаблівы гонар для Рэспублікі Беларусь - стаць ганаровым госцем, - адзначыў Мікалай Снапкоў. - Гэта не толькі прызнанне высокага ўзроўню беларускіх распрацовак, але і яскравае сведчанне стратэгічнай важнасці партнёрства паміж Беларуссю і Кітаем. Гэта пацвярджаецца непасрэдна сумесным камюніке ўрадаў Беларусі і КНР ад 22 жніўня 2024 года, якім 2024-2025 гады былі аб'яўлены Гадамі супрацоўніцтва Рэспублікі Беларусь і КНР у галіне навукі, тэхналогій і інавацый. План мерапрыемстваў па іх правядзенні, падпісаны ў рамках гэтага камюніке, актыўна рэалізуецца, а 18-ы Пуцзянскі форум стане пляцоўкай для ўрачыстай цырымоніі закрыцця гэтых знакавых гадоў".
На палях форуму разгорнуцца маштабныя мерапрыемствы, прысвечаныя беларуска-кітайскаму партнёрству: пройдзе Кітайска-Беларускі форум супрацоўніцтва, Беларуска-Кітайская канферэнцыя па развіцці сувязей у навукова-тэхнічнай і інавацыйнай сферах, а таксама гала-вечар "Кітай-Беларусь". Цэнтральным элементам беларускага ўдзелу стане нацыянальная экспазіцыя, прадстаўленая дзвюма ключавымі часткамі: "Распрацоўкі арганізацый Беларусі" і "Дасягненні кітайска-беларускага навукова-тэхнічнага супрацоўніцтва".
Першая экспазіцыя дэманструе 50 перадавых распрацовак рэзідэнтаў тэхнапаркаў, Міністэрства аховы здароўя, Кітайска-Беларускага індустрыяльнага парка "Вялікі камень" і арганізацый НАН Беларусі. У сферы "Інавацыйныя тэхналогіі ў АПК і харчовай прамысловасці" прадстаўлены такія ўнікальныя распрацоўкі, як аградроны і аўтажыр; воблачная сістэма для аўтаматызацыі сельскагаспадарчых работ; навігацыйная сістэма аўтаматычнага кіравання, створаная на базе кітайскага абсталявання і беларускага праграмнага забеспячэння.
Напрамак "Медыцына і біятэхналогіі" ўразіць распрацоўкамі, уключаючы проціпухлінныя сродкі, а таксама інавацыйныя рашэнні ў артапедыі.
У раздзеле "Лічбавыя тэхналогіі і штучны інтэлект" асаблівую ўвагу прыцягвае апаратна-праграмны мабільны комплекс, здольны аўтаматычна счытваць і правяраць сапраўднасць дакументаў, адпячаткі пальцаў, распазнаваць тэкст і RFID-мікрасхемы. Прамысловы патэнцыял Беларусі будзе дэманстравацца ў раздзеле "Інавацыйныя тэхналогіі ў прамысловасці", дзе прадстаўлены ўзоры і прэзентацыі ў сферы металургіі, машына- і прыборабудавання, новых і кампазіцыйных матэрыялаў.
Другі раздзел экспазіцыі "Дасягненні кітайска-беларускага навукова-тэхнічнага супрацоўніцтва" наглядна дэманструе вынікі сумеснай работы. Асаблівае месца зойме ініцыятыва "Будаўніцтва платформы - разам створым трывалы фундамент", у рамках якой прадстаўлена 13 праектаў.
"Удзел Беларусі ў 18-м Пуцзянскім інавацыйным форуме як ганаровага госця, а таксама паспяховая рэалізацыя плана Гадоў супрацоўніцтва ў галіне навукі, тэхналогій і інавацый, падкрэсліваюць стратэгічны характар беларуска-кітайскіх адносін. Беларусь дэманструе сваю гатоўнасць да актыўнага абмену перадавымі распрацоўкамі, прыцягнення інвестыцый і стварэння сумесных высокатэхналагічных вытворчасцей, умацоўваючы свае пазіцыі на сусветнай арэне як краіна з магутным навуковым патэнцыялам і інавацыйным бачаннем будучыні", - рэзюмаваў Мікалай Снапкоў.
Аліна ГРЫШКЕВІЧ,
БЕЛТА.-0-
Цяньцзінь і будучы Год прамысловай кааперацыі
Першы намеснік прэм'ер-міністра ў цэлым ахарактарызаваў двухбаковае супрацоўніцтва: "Беларуска-кітайскія адносіны развіваюцца ў рэчышчы ўсепагоднага і ўсебаковага стратэгічнага партнёрства, выбудаванага на высокім узроўні асабістых адносін і ўзаемнай павагі паміж Прэзідэнтам Рэспублікі Беларусь Аляксандрам Лукашэнкам і Старшынёй Кітайскай Народнай Рэспублікі Сі Цзіньпінам. Дзякуючы іх палітычнай волі і паслядоўным намаганням двухбаковая кааперацыя выйшла на ўзровень сапраўднага братэрскага ўзаемадзеяння, што ахоплівае ўсе без выключэння сферы".
Мікалай Снапкоў звярнуў увагу, што 2025 год стаў насычаным для беларуска-кітайскіх адносін. Адбылося каля сотні двухбаковых візітаў на розных узроўнях, у тым ліку дзелавых колаў. Кіраўнік дзяржавы двойчы наведаў Кітай, у тым ліку для ўдзелу ў саміце Шанхайскай арганізацыі супрацоўніцтва і ваенным парадзе з нагоды 80-годдзя Перамогі кітайскага народа ў Вайне супраціўлення японскім захопнікам.
"На сустрэчы 31 жніўня 2025 года ў г.Цяньцзіні лідары Беларусі і Кітая абазначылі новыя перспектывы далейшага ўзаемадзеяння па ключавых напрамках, - звярнуў увагу першы намеснік прэм'ер-міністра. - Яны дамовіліся, што наступныя два гады стануць гадамі супрацоўніцтва Беларусі і Кітая ў галіне прамысловай кааперацыі. На мой погляд, гэта з'яўляецца лагічным працягам перакрыжаваных гадоў супрацоўніцтва ў галіне навукі, тэхналогій і інавацый, вынікі якіх мы падвядзём у рамках 18-га Пуцзянскага інавацыйнага форуму".
Навукова-тэхнічнае супрацоўніцтва: ад дагавораў да рэальных праектаў
На думку Мікалая Снапкова, вынікам актыўнага беларуска-кітайскага дыялогу стала падпісанне шэрага дагавораў аб супрацоўніцтве паміж навуковымі арганізацыямі. Гэтыя пагадненні - не проста фармальнасць, а аснова для рэальных, узаемавыгадных праектаў.
Ён падкрэсліў, што яскравым прыкладам можа служыць Пагадненне аб стварэнні сумеснага прадпрыемства на тэрыторыі Рэспублікі Беларусь па вытворчасці экспрэс-тэст-сістэм. "Гэта не толькі ўклад у развіццё біятэхналагічнай галіны Беларусі, але і дэманстрацыя гатоўнасці да сумеснага ўкаранення перадавых распрацовак", - заўважыў Мікалай Снапкоў.
Яшчэ адным значным крокам ён назваў пагадненне, падпісанае Акадэміяй сувязі з кітайскімі партнёрамі. У рамках супрацоўніцтва ў галіне навучання тэлекамунікацыйным тэхналогіям на базе Акадэміі сувязі ўжо створаны і функцыянуе навучальны цэнтр. Як лічыць Мікалай Снапкоў, гэта адкрывае новыя гарызонты для падрыхтоўкі высокакваліфікаваных спецыялістаў, здольных працаваць з самымі сучаснымі тэхналогіямі.
Усяго падпісана 16 пагадненняў, што падкрэслівае шырыню ахопу напрамкаў навукова-тэхнічнага партнёрства.
Інавацыі на сусветнай арэне. Экспазіцыі і стажыроўкі
"Актыўны ўдзел беларускіх і кітайскіх вучоных і інжынераў у міжнародных выстаўках таксама з'яўляецца важным складнікам супрацоўніцтва. Прадстаўленыя калектыўныя раздзелы навукова-тэхнічных распрацовак на такіх значных форумах, як Кітайская міжнародная выстаўка імпарту ў Шанхаі і Кітайская выстаўка высокіх тэхналогій у Шэньчжэні, а таксама 18-ы Пуцзянскі інавацыйны форум дазваляюць прадэманстраваць дасягненні абедзвюх краін на глабальнай арэне", - выказаў меркаванне першы віцэ-прэм'ер.
Ён падкрэсліў, што не менш важнай часткай навукова-тэхнічнага абмену з'яўляюцца ўзаемныя стажыроўкі. Яны не толькі садзейнічаюць абмену ведамі і вопытам, але і фарміруюць трывалыя асабістыя сувязі паміж спецыялістамі. Паказальным прыкладам можа служыць стажыроўка спецыялістаў Мінскага навукова-практычнага цэнтра хірургіі, транспланталогіі і гематалогіі ў медыцынскім цэнтры КНР. Гэта непасрэднае ўкараненне перадавых медыцынскіх тэхналогій, якое мае вялікае значэнне для аховы здароўя.
Сярод іншых прыкладаў - навучанне магістрантаў КНР на базе ўстаноў адукацыі Рэспублікі Беларусь, а таксама прапрацоўка арганізацыі стажыровак для беларускіх геолагаў у Кітаі. Падпісанае паміж БДПУ імя М.Танка і Паўночна-Заходнім педагагічным універсітэтам дадатковае пагадненне аб рэалізацыі абмену студэнтамі і акадэмічнай мабільнасці па праграме "Філалагічная адукацыя" сведчыць аб развіцці партнёрства і ў гуманітарнай сферы.
Платформы для інавацый. Стварэнне новых цэнтраў прыцягнення
Мікалай Снапкоў падкрэсліў, што важным крокам стала стварэнне сумеснай лабараторыі "Інтэлектуальнае зандзіраванне". Гэта лабараторыя прызначана аб'яднаць намаганні вучоных для вырашэння актуальных задач у галіне сучасных тэхналогій.
Яшчэ адна знакавая падзея - стварэнне праектнага офіса Кітайскага цэнтра трансферу тэхналогій дзяржаў - членаў ШАС. Гэты офіс павінен стаць мостам для перадачы і ўкаранення перадавых тэхналогій, садзейнічаючы іх камерцыялізацыі і паскоранаму развіццю.
Акрамя таго, створаны сумесны Кітайска-Беларускі цэнтр па супрацоўніцтве ў галіне геалагічных навук. Адкрыты таксама філіял НАН Беларусі ў КНР. Вядзецца работа па стварэнні Кітайска-Беларускай сумеснай лабараторыі па эфектыўным выкарыстанні аграрных і экалагічных рэсурсаў і павышэнні якасці сельскагаспадарчых зямель.
Супрацоўніцтва ў навукова-даследчых праектах
Мікалай Снапкоў звярнуў увагу на той факт, што па выніках сумеснага конкурсу, праведзенага ДКНТ і Міністэрствам навукі і тэхналогій КНР, рэалізуюцца 20 навукова-тэхнічных праектаў (тэрмін рэалізацыі: 2024-2026 гады) па такіх важных напрамках, як ІКТ, біятэхналогіі і медыцына, машынабудаванне, новыя матэрыялы. Вельмі важна, што пачата рэалізацыя трох флагманскіх навукова-тэхнічных праектаў.
А па выніках конкурсу па лініі БРФФД і Нацыянальнага фонду прыродазнаўчых навук Кітая рэалізуюцца 24 навуковыя праекты (тэрмін рэалізацыі да 2026 года) па напрамках: фізіка, матэматыка і інфарматыка, тэхнічныя навукі, хімія і навукі аб Зямлі, медыцынскія і фармацэўтычныя навукі, аграрныя і біялагічныя навукі.
Беларусь - ганаровы госць Пуцзянскага інавацыйнага форуму
З 20 па 22 верасня Шанхай становіцца цэнтрам прыцягнення для сусветнай інавацыйнай супольнасці, прымаючы 18-ы Пуцзянскі інавацыйны форум. Гэта знакавая падзея, адна з вядучых у Кітайскай Народнай Рэспубліцы, збярэ пад дэвізам "Аб'ядноўваючы інавацыі, фарміруючы будучыню" палітыкаў, вучоных і прадстаўнікоў бізнесу для абмеркавання ключавых пытанняў прадпрымальніцтва, фінансаў, развіцця навуковага патэнцыялу, культуры, міжнародных інавацыйных тэндэнцый і перспектыў развіцця эканомікі і прамысловых тэхналогій. Чакаецца, што ў рамках больш як 20 маштабных мерапрыемстваў форуму прымуць удзел звыш 65 тыс. чалавек з розных краін свету.
"Гэта асаблівы гонар для Рэспублікі Беларусь - стаць ганаровым госцем, - адзначыў Мікалай Снапкоў. - Гэта не толькі прызнанне высокага ўзроўню беларускіх распрацовак, але і яскравае сведчанне стратэгічнай важнасці партнёрства паміж Беларуссю і Кітаем. Гэта пацвярджаецца непасрэдна сумесным камюніке ўрадаў Беларусі і КНР ад 22 жніўня 2024 года, якім 2024-2025 гады былі аб'яўлены Гадамі супрацоўніцтва Рэспублікі Беларусь і КНР у галіне навукі, тэхналогій і інавацый. План мерапрыемстваў па іх правядзенні, падпісаны ў рамках гэтага камюніке, актыўна рэалізуецца, а 18-ы Пуцзянскі форум стане пляцоўкай для ўрачыстай цырымоніі закрыцця гэтых знакавых гадоў".
На палях форуму разгорнуцца маштабныя мерапрыемствы, прысвечаныя беларуска-кітайскаму партнёрству: пройдзе Кітайска-Беларускі форум супрацоўніцтва, Беларуска-Кітайская канферэнцыя па развіцці сувязей у навукова-тэхнічнай і інавацыйнай сферах, а таксама гала-вечар "Кітай-Беларусь". Цэнтральным элементам беларускага ўдзелу стане нацыянальная экспазіцыя, прадстаўленая дзвюма ключавымі часткамі: "Распрацоўкі арганізацый Беларусі" і "Дасягненні кітайска-беларускага навукова-тэхнічнага супрацоўніцтва".
Першая экспазіцыя дэманструе 50 перадавых распрацовак рэзідэнтаў тэхнапаркаў, Міністэрства аховы здароўя, Кітайска-Беларускага індустрыяльнага парка "Вялікі камень" і арганізацый НАН Беларусі. У сферы "Інавацыйныя тэхналогіі ў АПК і харчовай прамысловасці" прадстаўлены такія ўнікальныя распрацоўкі, як аградроны і аўтажыр; воблачная сістэма для аўтаматызацыі сельскагаспадарчых работ; навігацыйная сістэма аўтаматычнага кіравання, створаная на базе кітайскага абсталявання і беларускага праграмнага забеспячэння.
Напрамак "Медыцына і біятэхналогіі" ўразіць распрацоўкамі, уключаючы проціпухлінныя сродкі, а таксама інавацыйныя рашэнні ў артапедыі.
У раздзеле "Лічбавыя тэхналогіі і штучны інтэлект" асаблівую ўвагу прыцягвае апаратна-праграмны мабільны комплекс, здольны аўтаматычна счытваць і правяраць сапраўднасць дакументаў, адпячаткі пальцаў, распазнаваць тэкст і RFID-мікрасхемы. Прамысловы патэнцыял Беларусі будзе дэманстравацца ў раздзеле "Інавацыйныя тэхналогіі ў прамысловасці", дзе прадстаўлены ўзоры і прэзентацыі ў сферы металургіі, машына- і прыборабудавання, новых і кампазіцыйных матэрыялаў.
Другі раздзел экспазіцыі "Дасягненні кітайска-беларускага навукова-тэхнічнага супрацоўніцтва" наглядна дэманструе вынікі сумеснай работы. Асаблівае месца зойме ініцыятыва "Будаўніцтва платформы - разам створым трывалы фундамент", у рамках якой прадстаўлена 13 праектаў.
"Удзел Беларусі ў 18-м Пуцзянскім інавацыйным форуме як ганаровага госця, а таксама паспяховая рэалізацыя плана Гадоў супрацоўніцтва ў галіне навукі, тэхналогій і інавацый, падкрэсліваюць стратэгічны характар беларуска-кітайскіх адносін. Беларусь дэманструе сваю гатоўнасць да актыўнага абмену перадавымі распрацоўкамі, прыцягнення інвестыцый і стварэння сумесных высокатэхналагічных вытворчасцей, умацоўваючы свае пазіцыі на сусветнай арэне як краіна з магутным навуковым патэнцыялам і інавацыйным бачаннем будучыні", - рэзюмаваў Мікалай Снапкоў.
Аліна ГРЫШКЕВІЧ,
БЕЛТА.-0-
Падпісвайцеся на нас у
