ДЗЯРЖОРГАНЫДЗЯРЖОРГАНЫ
Субота, 19 верасня 2020
Мінск Малавоблачна +12°C
Усе навіны
Усе навіны
Палітыка
16 верасня 2020, 15:22

Служба знешняй разведкі РФ: падзеі ў Беларусі арганізаваны і каардынуюцца з-за мяжы

Сяргей Нарышкін. Фота прэс-службы Дзярждумы РФ/ТАСС
Сяргей Нарышкін. Фота прэс-службы Дзярждумы РФ/ТАСС

16 верасня, Масква /Эдуард Півавар - БЕЛТА/. У падзеях, што адбываюцца ў Беларусі, выразна прасочваецца заходні след. Аб гэтым заявіў дырэктар Службы знешняй разведкі (СЗР) Расіі Сяргей Нарышкін, тэкст яго заявы распаўсюдзіла прэс-служба СЗР, паведамляе БЕЛТА.

"У падзеях у Беларусі выразна прасочваецца заходні след. Пратэсныя акцыі з самага пачатку маюць добра арганізаваны характар і каардынуюцца з-за мяжы", - падкрэсліў Сяргей Нарышкін.

Ён адзначыў, што Захад пачаў падрыхтоўку пратэстаў задоўга да выбараў у Беларусі. "Паводле існуючай у СЗР інфармацыі, у цяперашніх падзеях у Беларусі ЗША адыгрываюць ключавую ролю. Хоць у публічнай прасторы Вашынгтон спрабуе трымацца ў цяні, пасля пачатку масавых вулічных выступленняў амерыканцы кратна нарасцілі фінансаванне беларускіх антыўрадавых сіл", - заявіў Сяргей Нарышкін.

"Толькі ЗША ў 2019 - пачатку 2020 гадоў накіравалі на арганізацыю антыўрадавых выступленняў каля $20 млн", - прывёў даныя кіраўнік СЗР. Паводле яго слоў, на гэтыя грошы ажыццяўлялася фарміраванне сеткі незалежных блогераў і інфармацыйных акаўнтаў у сацсетках, падрыхтоўка актывістаў да правядзення вулічных акцый. "Найбольш перспектыўныя з іх праходзілі вучобу за мяжой, у прыватнасці ў Польшчы, Літве і на Украіне, дзе з імі займаліся вопытныя амерыканскія інструктары па "ненасільных пратэстах", - сказаў Сяргей Нарышкін.

Паводле звестак кіраўніка СЗР, ЗША ўзялі пад цесную апеку былога кандыдата ў прэзідэнты Святлану Ціханоўскую і іншых апазіцыйных актывістаў, якіх раскручваюць у якасці "народных лідараў". "У кантактах з еўрапейскімі саюзнікамі Вашынгтон настойвае на неабходнасці ўзмацнення націску на Мінск для стымулявання законнага кіраўніцтва Беларусі да запуску дыялогу з так званым каардынацыйным саветам, - адзначыў Сяргей Нарышкін. - Фактычна размова ідзе аб дрэнна завуаліраванай спробе арганізаваць чарговую каляровую рэвалюцыю і антыканстытуцыйны пераварот, мэты і задачы якіх не маюць нічога агульнага з інтарэсамі беларускіх грамадзян".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі