Сцяг Аўторак, 19 сакавіка 2024
Усе навіны
Усе навіны
Палітыка
04 чэрвеня 2020, 18:26

Склад урада абсалютна баяздольны, але стыль работы трэба крыху змяніць - Галоўчанка

4 чэрвеня, Мінск /Кар. БЕЛТА/. Склад урада абсалютна баяздольны, але стыль і метады работы трэба крыху змяніць, заявіў сёння назначаны прэм'ер-міністрам Раман Галоўчанка ў час прадстаўлення кіраўнікам дзяржорганаў і супрацоўнікам Апарату Савета Міністраў, перадае карэспандэнт БЕЛТА.

Раман Галоўчанка падзякаваў кіраўніку дзяржавы за аказаны давер, разам з тым ён адзначыў, што такі давер - гэта аванс, за якім адказнасць, у тым ліку за выкананне даручэнняў.

"Вядома, атрымаць такія пасады і працаваць у няпросты час - гэта таксама своеасаблівы выклік. Як сказаў Прэзідэнт, у нас унікальны выпадак, калі накладваюцца некалькі ўмоўных "пандэмій"- па лініі аховы здароўя, эканамічная, выбарная, ідэалагічная, калі актывізаваліся ўсе магчымыя непрыяцелі і праціўнікі. Тым адказнейшая наша місія і задача працаваць менавіта ў такіх умовах. Рады, што касцяк урада захаваўся, склад абсалютна баяздольны", - адзначыў Раман Галоўчанка.

У той жа час ён лічыць, што ў новых умовах трэба "змяніць крыху стыль і метады нашай работы". "Пандэмія, якая яшчэ да гэтага часу не скончылася, крызіс паказалі, што недапушчальна прамаруджванне. Недапушчальна ўвязнуць у нейкіх міжведамасных узгадненнях, утрасаннях, вытаргоўваць для свайго ведамства нейкія лепшыя ўмовы. На гэта ў нас няма ні часу, ні магчымасці. Таму што, увязнуўшы ў міжведамасных супярэчнасцях, мы іншым разам губляем галоўнае - час. А час цяпер становіцца крытычным фактарам", - сказаў Раман Галоўчанка.-0-

Падпісвайцеся на нас у
Twitter
Топ-навіны
Свежыя навіны Беларусі