10 лютага, Масква /Эдуард Півавар - БЕЛТА/. Праекты, накіраваныя на актывізацыю беларуска-нігерыйскага ўзаемадзеяння, абмеркаваны сёння ў Маскве на сустрэчы пасла Беларусі ў Расіі Уладзіміра Сямашкі з паслом Нігерыі ў РФ і Беларусі па сумяшчальніцтве Стывам Дэвісам Угба, паведамілі БЕЛТА ў прэс-службе беларускай дыпмісіі.
"Бакі абмеркавалі шырокае кола канкрэтных напрамкаў і праектаў актывізацыі двухбаковага ўзаемадзеяння, - адзначылі ў прэс-службе. - Асобная ўвага была ўдзелена перспектывам беларуска-нігерыйскага супрацоўніцтва ў сферах прамысловасці, АПК, адукацыі, аховы здароўя, а таксама развіццю дагаворна-прававой базы двухбаковых адносін".
Дыпламатычныя адносіны паміж Беларуссю і Нігерыяй устаноўлены 3 жніўня 1992 года. У 2019 годзе двухбаковы тавараабарот склаў $11,8 млн, павялічыўшыся ў параўнанні з 2018 годам на 31 працэнт.-0-
