Сцяг Пятніца, 29 сакавіка 2024
Усе навіны
Усе навіны
Палітыка
13 лютага 2023, 17:47

Сіярта: заходнія калегі будуць мяне крытыкаваць за візіт у Беларусь, але ў Венгрыі іншы пункт гледжання

13 лютага, Мінск /Кар. БЕЛТА/. Калі краіны стануць закрываць каналы стасункаў, яны адмовяцца ад надзеі на мір. Аб гэтым міністр замежных спраў і знешняга гандлю Венгрыі Петэр Сіярта заявіў журналістам па выніках перагавораў у Мінску з міністрам замежных спраў Беларусі Сяргеем Алейнікам, перадае карэспандэнт БЕЛТА.

"Міжнародная ліберальная прэса, заходнія палітыкі, мае партнёры - усе скажуць, як дрэнна, што я прыехаў да вас і вёў перагаворы з маім калегам з Беларусі. Але я на гэта хачу сказаць адно. Пункт гледжання Венгрыі адназначны: камунікацыйныя каналы павінны быць адкрыты. Калі мы закрыем каналы стасункаў, мы адмовімся ад надзеі на мір. А мы не тое што не хочам адмаўляцца ад надзеі на мір, мы хочам міру", - сказаў міністр.

Петэр Сіярта адзначыў, што ў іншых рэгіёнах або за акіянам, магчыма, не так востра ўспрымаюць сітуацыю ў Еўропе, але Венгрыя, якая жыве па суседстве з вайной, абсалютна разумее, што абываецца. "Вайна павінна закончыцца. Але яна не закончыцца, калі мы не будзем размаўляць адзін з адным і перакрыем каналы стасункаў", - перакананы ён.

Кіраўнік венгерскага МЗС нагадаў, што ў свой час у Беларусі праводзіліся перагаворы па мірным урэгуляванні канфлікту ва Украіне. Ён выказаў надзею, што яны адновяцца. Прычым не важна, у якой краіне - у Беларусі або Венгрыі, галоўнае, каб яны адбыліся. "Вайна - гэта заўсёды правал дыпламатыі. А канец вайны - гэта поспех дыпламатыі. Дыпламатыя і стасункі - гэта тое, без чаго дасягнуць міру немагчыма", - заявіў міністр.-0-

Падпісвайцеся на нас у
Twitter
Топ-навіны
Свежыя навіны Беларусі