ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Малавоблачна +20°C
Усе навіны
Усе навіны
Палітыка
02 сакавіка 2022, 09:06

Шчокін: усе выдумкі збеглых аб нашых ваенных ва Украіне - хлусня

Мікалай Шчокін. Фота з асабістага архіва
Мікалай Шчокін. Фота з асабістага архіва

2 сакавіка, Мінск /Кар. БЕЛТА/. Усе выдумкі збеглых аб нашых ваенных ва Украіне - хлусня. Аб гэтым заявіў карэспандэнту БЕЛТА загадчык аддзела сацыялогіі дзяржаўнага ўпраўлення Інстытута сацыялогіі НАН кандыдат філасофскіх навук Мікалай Шчокін.

"На праведзеным пашыраным пасяджэнні Савета бяспекі Аляксандр Лукашэнка раскрыў дэталі падзей, якія адбываюцца вакол Беларусі, перагаворнага працэсу дэлегацый Расіі і Украіны, а таксама ваеннай аперацыі на Украіне расійскіх спецпадраздзяленняў. Больш таго, ужо стала зразумела, што дзякуючы Аляксандру Лукашэнку Беларусь не была ўцягнута ў ваенныя дзеянні. Ні адзін ваеннаслужачы Беларусі не прымае ўдзел у баявых дзеяннях як на тэрыторыі краіны, так і за яе мяжой. Усе выдумкі збеглых і праплачаных інфармацыйных каналаў Захаду аб нібыта ўдзеле беларускай арміі ў ваенных дзеяннях ва Украіне - хлусня. У сувязі з гэтым лічу, што збеглыя павінны быць прыцягнуты да крымінальнай адказнасці за падбухторванне і распальванне варожасці, а таксама за падрыў дзяржаўнага суверэнітэту і паклёп", - сказаў Мікалай Шчокін.

Аналітык падкрэсліў: "Як удзельнік пашыранага пасяджэння Савета бяспекі магу пацвердзіць той факт, што менавіта неймавернымі намаганнямі Аляксандра Лукашэнкі быў запушчаны перагаворны працэс, і спадзяюся, што будуць спрэчныя моманты вырашаны".

Разам з тым выклікаюць заклапочанасць дзеянні калектыўнага Захаду. "На сёння НАТА сцягнуты пэўныя ваенныя групоўкі да граніц Беларусі з боку Польшчы і Прыбалтыкі і гэта рэальна стала пагрозай для нашай бяспекі. Таму Прэзідэнт прымае аператыўна тактычныя рашэнні па гіпатэтычным прадухіленні правакацыйных дзеянняў з боку ворагаў. Захад рэалізуе праграму братазабойчай вайны паміж славянскімі народамі. У любым выпадку ўкраінскі народ заўсёды можа на нас разлічваць", - падкрэсліў Мікалай Шчокін.

Аналітык упэўнены, што праводзімая спецаперацыя па дэнацыфікацыі і дэмілітарызацыі з'яўляецца запатрабаванай. "На працягу 30 гадоў украінскаму народу насаджалася ідэалогія нацызму, бандэраўцаў - забойства і нянавісці. Таму толькі пазбавіўшыся ад гэтай карычневай чумы, можна стаць суверэннай і самастойнай краінай. Сёння ўкраінскі народ сам павінен захацець і прыкласці ўсе намаганні па выгнанні нацыстаў і не дапусціць акупацыі сваёй краіны калектыўным Захадам, - дадаў ён. - Ведаю, што ў бліжэйшыя дні будзе пераломны момант, а значыць, з'явіцца яшчэ адна магчымасць спыніць вайну і захаваць Украіну, мір і бяспеку ў Еўропе".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі