11 красавіка, Мінск /Кар. БЕЛТА/. Расія не з'яўляецца ідэяй фікс для НАТА, у іх інтарэсы па ўсёй планеце, заявіў у эфіры тэлеканала СТБ палітолаг Юрый Шаўцоў, паведамляе БЕЛТА.
"У гэтым процістаянні НАТА і Расіі Украіна - гэта ўсяго толькі адзін з элементаў. Зусім не абавязковы. Расія не з'яўляецца ідэяй фікс для НАТА, інтарэсы ў іх, увогуле, па ўсёй планеце. Проста менавіта сёння ў сувязі з канкрэтным сюжэтам процістаяння Расія выйшла на першы план. Але гэта не ідэя фікс", - сказаў Юрый Шаўцоў.
Палітолаг канстатаваў: "Няма канчатковай кропкі. Пакуль ёсць нейкая дзяржава або група дзяржаў з інтарэсамі - столькі часу і будзе існаваць неабходнасць ваеннага забеспячэння гэтых інтарэсаў".-0-