ДЗЯРЖОРГАНЫДЗЯРЖОРГАНЫ
Аўторак, 13 красавіка 2021
Мінск Пераменная воблачнасць +16°C
Усе навіны
Усе навіны
Палітыка
01 сакавіка 2021, 14:20

Савіных выказаў сваю пазіцыю аб праварадыкальнай акцыі ў польскай Гайнаўцы

Фота з архіва
Фота з архіва

1 сакавіка, Мінск /Кар. БЕЛТА/. Старшыня Пастаяннай камісіі па міжнародных справах Палаты прадстаўнікоў Андрэй Савіных выказаў сваю пазіцыю ў сувязі з правядзеннем у Польшчы мерапрыемстваў памяці "праклятых салдат". Аб гэтым БЕЛТА паведамілі ў прэс-службе Палаты прадстаўнікоў.

"Са шкадаваннем успрынялі інфармацыю аб мерапрыемствах, арганізаваных у гонар так званых праклятых салдат недалёка ад граніцы з нашай краінай - у польскім горадзе Гайнаўка, месцы пражывання этнічных беларусаў. Такія акцыі радыкалаў, з аднаго боку, выклікаюць шкадаванне, з іншага - узрастаючую занепакоенасць. У Польшчы ўсё больш набываюць папулярнасць рухі нацыяналістычнага і неанацысцкага толку. У студзені гэтага года там у шырокі продаж выйшла выданне кнігі Адольфа Гітлера "Мая барацьба". 8 лютага Вроцлаўскае аддзяленне Інстытута нацыянальнай памяці - дзяржаўнай установы краіны - узначаліў адзін з лідараў неанацысцкай групоўкі", - сказаў Андрэй Савіных.

Паводле слоў парламентарыя, таксама назіраюцца дзеянні польскіх улад, накіраваныя на скажэнне гісторыі Другой сусветнай вайны і гістарычнай памяці аб гэтых падзеях. "Так, у 2011 годзе Польшча заснавала 1 сакавіка як Дзень памяці "праклятых салдат". Польскі бок спрабуе лжыва ўскласці віну за пачатак Другой сусветнай вайны на Савецкі Саюз, адначасова знішчаючы помнікі і саму памяць аб савецкіх салдатах, якія коштам уласных жыццяў вызвалілі Польшчу і знішчылі "карычневую пагрозу", якая навісла над усім светам. У гэтых умовах ініцыятыва, вылучаная на VI Усебеларускім народным сходзе аб заснаванні Дня народнага адзінства, набывае для нас, беларусаў, асаблівую актуальнасць", - адзначыў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі