ДЗЯРЖОРГАНЫДЗЯРЖОРГАНЫ
Флаг Нядзеля, 4 снежня 2022
Мінск Суцэльная воблачнасць -5°C
Усе навіны
Усе навіны
Палітыка
12 красавіка 2022, 16:45

Савіных: свет уступіў у стадыю вострага канфлікту паміж прыхільнікамі шматпалярнага свету

Андрэй Савіных. Фота з архіва
Андрэй Савіных. Фота з архіва

12 красавіка, Масква /Эдуард Півавар - БЕЛТА/. Свет уступіў у стадыю вострага канфлікту паміж прыхільнікамі шматпалярнага свету і адэптамі неаглабалізму. Такое меркаванне выказаў намеснік старшыні Парламенцкага сходу Саюза Беларусі і Расіі, старшыня Пастаяннай камісіі Палаты прадстаўнікоў Нацыянальнага сходу Беларусі па міжнародных справах Андрэй Савіных у Маскве на навукова-практычнай канферэнцыі "Стратэгія развіцця Саюзнай дзяржавы ва ўмовах глабальных геапалітычных тэндэнцый", перадае карэспандэнт БЕЛТА.

"Ужо ні ў кога не выклікае сумнення, што галоўнай тэндэнцыяй развіцця сучаснага свету з'яўляецца рэгіяналізацыя, - сказаў Андрэй Савіных. - Але калі гаварыць больш дакладна і прамалінейна, мы праходзім этап вострага экзістэнцыяльнага канфлікту паміж прыхільнікамі шматпалярнага свету і адэптамі неаглабалізму ў асобе транснацыянальных фінансава-карпаратыўных груп. Я лічу, што гэты канфлікт мае характар татальнай вайны. Прымірэнне або кампраміс паміж двума лагерамі немагчымы, адзін з бакоў канфлікту будзе разбураны. А пераможца атрымае магчымасць дамінавання ў свеце на працяглы тэрмін".

Які будзе зыход канфлікту - пакуль адкрытае пытанне, падкрэсліў парламентарый. "Адказ на яго залежыць ад самаадданасці і рашучасці нашых краін абараніць свае каштоўнасці, а значыць сваё права на будучыню. Наша задача, як я лічу, зрабіць шматпалярны свет адзіным сцэнарыем развіцця ўсяго чалавецтва", - заявіў ён.

"Як мне бачыцца, фарміраванне шматпалярнага свету будзе праходзіць у адпаведнасці са сцэнарыем фарміравання макрарэгіёнаў - вялікіх аб'яднанняў дзяржаў для ўмацавання сваіх палітычных, эканамічных і ваенных магчымасцей", - адзначыў Андрэй Савіных. На яго думку, краіны, якія не здолеюць увайсці ў макрарэгіёны, апынуцца на перыферыі цывілізацыі, адкуль паспяховыя макрарэгіёны будуць выпампоўваць чалавечыя і прыродныя рэсурсы. "Для нас гэта азначае неабходнасць максімум за пяць гадоў прайсці шлях, які Еўрасаюз як мае быць не здолеў пераадолець амаль за 70 гадоў", - падкрэсліў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі