Сцяг Субота, 13 красавіка 2024
Усе навіны
Усе навіны
Палітыка
07 лютага 2023, 17:55

Савіных: пагадненне аб узаемным прызнанні віз - яшчэ адзін крок на шляху паглыблення інтэграцыі Беларусі і Расіі

7 лютага, Мінск /Кар. БЕЛТА/. Пагадненне аб узаемным прызнанні віз - яшчэ адзін крок на шляху паглыблення інтэграцыі Беларусі і Расіі. Такое меркаванне карэспандэнту БЕЛТА выказаў старшыня Пастаяннай камісіі па міжнародных справах Палаты прадстаўнікоў Андрэй Савіных. Паводле яго слоў, адзіная візавая прастора станоўча паўплывае на турызм.

"Узаемнае прызнанне віз - гэта крок у правільным напрамку. Пагадненне рэгулюе міграцыйныя працэсы, аблягчае замежным грамадзянам парадак наведвання абедзвюх краін па візе, выдадзенай адным з бакоў. Таксама гэта павышае турыстычную прывабнасць Беларусі і Расіі, стварае новыя магчымасці для турбізнесу, дае магчымасць замежным турыстам ажыццяўляць трансгранічныя туры", - адзначыў ён.

Дэпутат таксама звярнуў увагу, што стварэнне адзінай візавай прасторы - своечасовы крок. "Яна павінна быць пабудавана на адзіных прынцыпах, у тым ліку прынцыпах бяспекі, з тым, каб цалкам уніфікавалі і гэты элемент. Мы ж дзейнічаем у гэтым напрамку ў іншых сектарах. Ствараем адзіны транспартны рынак, адзіны рынак энергарэсурсаў, адзіныя стандарты сацыяльнага забеспячэння грамадзян Беларусі і Расіі, незалежна ад таго, дзе яны падарожнічаюць або дзе яны пражываюць. Мы можам прымяніць гэты прынцып у перспектыве і адносна віз і знешняй палітыкі", - рэзюмаваў Андрэй Савіных.

Нагадаем, 27 студзеня 2023 года Прэзідэнт Расіі Уладзімір Пуцін падпісаў закон аб ратыфікацыі міжурадавага пагаднення аб узаемным прызнанні віз і па іншых пытаннях, звязаных з уездам замежных грамадзян і асоб без грамадзянства на тэрыторыі краін Саюзнай дзяржавы. Такім чынам, расійскі бок завяршыў усе неабходныя ратыфікацыйныя працэдуры па пагадненні. Яно было падпісана ў Мінску 19 чэрвеня 2020 года. Ініцыятарам заключэння пагаднення стаў расійскі бок. Беларусь завяршыла ратыфікацыю яшчэ ў снежні 2020 года. Яго мэта - стварэнне прававой базы для ўрэгулявання парадку перасячэння замежнымі грамадзянамі і асобамі без грамадзянства беларуска-расійскай граніцы. Пагадненне дае іншаземцам права ўязджаць, выязджаць, знаходзіцца, перамяшчацца транзітам па тэрыторыі Беларусі і Расіі на падставе візы адной з дзвюх дзяржаў і дакументаў, што засведчваюць асобу.-0-

Падпісвайцеся на нас у
Twitter
Топ-навіны
Свежыя навіны Беларусі