2 сакавіка, Мінск /Кар. БЕЛТА/. Новая сустрэча ўкраінскай і расійскай дэлегацыі адбудзецца вечарам 2 сакавіка ў тым жа складзе, што і раней. Аб гэтым сёння заявіў саветнік кіраўніка офіса прэзідэнта Украіны Уладзіміра Зяленскага Аляксей Арастовіч, паведамляе ТАСС.
"Другі раўнд перагавораў з Расіяй адбудзецца вечарам 2 сакавіка, дэлегацыі будуць у тым жа складзе", - працытаваў яго тэлеканал "Украіна-24".
Як паведамлялася БЕЛТА, першы раўнд расійска-ўкраінскіх перагавораў прайшоў 28 лютага на Прыпяці ў Гомельскай вобласці. Бакі на працягу пяці гадзін перагавораў вызначылі шэраг прыярытэтных тэм, па якіх намеціліся пэўныя рашэнні, і раз'ехаліся для кансультацый у свае сталіцы. Тады ж стала вядома пра магчымасць правядзення ў бліжэйшыя дні новай сустрэчы, на гэты раз ужо на польска-беларускай граніцы.-0-
