Мабільная версія
ДЗЯРЖОРГАНЫ

Апошнія навіны
Усе навіны

Савет ЕС зацвердзіў рашэнне аб падпісанні візавага пагаднення з Беларуссю

Палітыка 18.11.2019 | 14:29
Фота з архіва
Фота з архіва

18 лістапада, Мінск /Аліна Грышкевіч - БЕЛТА/. Савет ЕС зацвердзіў рашэнне аб падпісанні з Беларуссю пагаднення аб аблягчэнні візавага рэжыму. Аб гэтым гаворыцца ў пастанове Савета Еўрасаюза, якая апублікавана ў Афіцыйным часопісе Еўрапейскага саюза.

Як паведамлялася раней БЕЛТА, у верасні Беларусь завяршыла ўнутрыдзяржаўныя працэдуры па пагадненнях з Еўрапейскім саюзам аб спрашчэнні візавага рэжыму і рэадмісіі. Кіраўніком дзяржавы было прынята рашэнне аб падпісанні пагадненняў з Еўрапейскім саюзам аб спрашчэнні выдачы віз і па рэадмісіі. Гэтаму кроку папярэднічаў даволі складаны і працяглы па часе перагаворны працэс з Еўрапейскім саюзам, па выніках якога выпрацаваны ўзаемапрымальныя тэксты, якія ў найбольш поўнай меры ўлічваюць інтарэсы абодвух бакоў.

На сайце Афіцыйнага часопіса ЕС тэкст пастановы апублікаваны сёння, 18 лістапада, а гэта рашэнне было зацверджана 14 кастрычніка.

Кіраўнік прадстаўніцтва Еўрапейскага саюза ў Беларусі Дзірк Шубель раней у інтэрв'ю БЕЛТА падкрэсліў: "Савет Еўрапейскага саюза ўжо адобрыў падпісанне пагаднення аб спрашчэнні візавага рэжыму і, як чакаецца, адобрыць падпісанне пагаднення аб рэадмісіі пасля завяршэння працэдур з боку ЕС. Пасля падпісання абодвух пагадненняў Еўрапейскі парламент павінен даць згоду на іх заключэнне, а затым Савет Еўрапейскага саюза павінен прыняць рашэнні аб іх заключэнні. Абодва пагадненні ўступаюць у сілу адначасова - у першы дзень другога месяца пасля даты інфармавання бакамі адзін аднаго аб завяршэнні працэдур ратыфікацыі. Пасля ўступлення ў сілу пагаднення аб спрашчэнні візавага рэжыму візавы збор будзе аўтаматычна зніжаны да 35 еўра для ўсіх грамадзян Беларусі. Многія катэгорыі грамадзян у залежнасці ад мэты паездкі змогуць звяртацца за візай без выплаты збору і атрымліваць шматразовыя візы з больш працяглым тэрмінам дзеяння ў спрошчаным парадку".

Пры гэтым пакуль невядомая дата, калі пагадненні ўступяць у сілу.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.