22 верасня, Масква /Эдуард Півавар - БЕЛТА/. Пасяджэнне Камісіі Парламенцкага сходу Саюза Беларусі і Расіі па эканамічнай палітыцы пройдзе 28 верасня ў Мінску і Маскве ў рэжыме відэа-канферэнц-сувязі, паведамілі БЕЛТА ў прэс-службе сходу.
"Удзельнікі пасяджэння абмяркуюць вынікі работы камісіі па фарміраванні адзінай навукова-тэхналагічнай прасторы Саюзнай дзяржавы, а таксама разгледзяць пытанні фарміравання прыкладнага пераліку прыярытэтных навукова-тэхналагічных і інавацыйных праграм і праектаў Саюзнай дзяржавы для іх далейшай распрацоўкі, зацвярджэння і рэалізацыі, - адзначылі ў прэс-службе. - Акрамя таго, запланавана абмеркаванне пытанняў па фарміраванні і выкананні саюзнага бюджэту, распрацоўцы новых канцэпцый праграм Саюзнай дзяржавы".
Акрамя саюзных парламентарыяў у мерапрыемстве прымуць удзел прадстаўнікі Пастаяннага камітэта Саюзнай дзяржавы, Дзяржаўнага камітэта па навуцы і тэхналогіях Беларусі, Нацыянальнай акадэміі навук Беларусі, Міністэрства навукі і вышэйшай адукацыі Расіі, Міністэрства сельскай гаспадаркі РФ.-0-