17 студзеня, Масква /Эдуард Півавар - БЕЛТА/. Саюзная дзяржава, Арганізацыя Дагавора аб калектыўнай бяспецы, Еўразійскі эканамічны саюз і Садружнасць Незалежных Дзяржаў застаюцца прыярытэтамі расійскай знешняй палітыкі. Аб гэтым заявіў выконваючы абавязкі міністра замежных спраў Расіі Сяргей Лаўроў сёння на прэс-канферэнцыі для расійскіх і замежных журналістаў, перадае карэспандэнт БЕЛТА.
"Традыцыйны прыярытэт - нарошчванне ўзаемадзеяння з партнёрамі на еўразійскай прасторы, у першую чаргу ў рамках АДКБ, Саюзнай дзяржавы, СНД, Еўразійскага эканамічнага саюза", - сказаў Сяргей Лаўроў.
Асабліва ён выдзеліў поспехі на трэку еўразійскай інтэграцыі, уключаючы пашырэнне знешніх сувязей ЕАЭС. "Падпісана пагадненне аб зоне свабоднага гандлю з В'етнамам, - нагадаў Сяргей Лаўроў. - Гэта было падпісана раней, а ў мінулым годзе падпісана (пагадненне аб стварэнні зоны свабоднага гандлю. - Заўвага БЕЛТА) з Сінгапурам і Сербіяй. У мінулым жа годзе ўступіла ў сілу пагадненне аб гандлёва-эканамічным супрацоўніцтве з Кітайскай Народнай Рэспублікай, часовае пагадненне (аб зоне свабоднага гандлю. - Заўвага БЕЛТА) з Іранам. Прадаўжаюцца актыўныя перагаворы з Ізраілем і Егіптам. Прынята рашэнне аб пачатку перагаворнага працэсу з Індыяй".-0-