Сцяг Пятніца, 29 сакавіка 2024
Усе навіны
Усе навіны
Палітыка
13 чэрвеня 2019, 11:24

Румас і Мядзведзеў абмеркавалі актуальныя пытанні двухбаковага супрацоўніцтва

13 чэрвеня, Мінск /Кар. БЕЛТА/. Па ініцыятыве беларускага боку 12 чэрвеня адбылася тэлефонная размова прэм'ер-міністра Беларусі Сяргея Румаса са старшынёй урада РФ Дзмітрыем Мядзведзевым, паведамілі БЕЛТА ў прэс-службе Савета Міністраў Беларусі.

Сяргей Румас павіншаваў свайго калегу з Днём Расіі і пажадаў дабрабыту і працвітання брацкаму народу. Ён выказаў перакананне, што сумесная работа ўрадаў дзвюх краін па паглыбленні супрацоўніцтва ў рамках інтэграцыйных аб'яднанняў будзе садзейнічаць узаемнаму эканамічнаму росту і павышэнню дабрабыту грамадзян.

У час размовы бакі ўдзялілі ўвагу актуальным пытанням двухбаковага супрацоўніцтва. У прыватнасці, быў абмеркаваны ход работы сумеснай групы па выпрацоўцы прапаноў аб далейшым развіцці беларуска-расійскай інтэграцыі, вочнае пасяджэнне якой адбудзецца 15 чэрвеня ў Маскве.

Сяргей Румас таксама пацвердзіў адрасаванае раней Дзмітрыю Мядзведзеву запрашэнне наведаць ІІ Еўрапейскія гульні ў Мінску.-0-

Падпісвайцеся на нас у
Twitter
Топ-навіны
Свежыя навіны Беларусі