10 ліпеня, Мінск /Кар. БЕЛТА/. Рэзалюцыя па Усходняй Еўропе выключана з Мінскай дэкларацыі, перадае карэспандэнт БЕЛТА.
Рэзалюцыя была ўключана ў праект Мінскай дэкларацыі і выклікала актыўнае абмеркаванне сярод парламентарыяў. Па выніках галасавання галасы падзяліліся пароўну - 43 чалавекі прагаласавалі "супраць" і столькі ж "за". У адпаведнасці з рэгламентам было прынята рашэнне не ўключаць рэзалюцыю ў Мінскую дэкларацыю.
Удзельнік сесіі старшыня Пастаяннай камісіі па міжнародных справах Палаты прадстаўнікоў Нацыянальнага сходу Беларусі Валерый Варанецкі ў ходзе дэбатаў падкрэсліў, што "рэзалюцыя вельмі непрафесіянальная, некампетэнтная, канфрантацыйная".
Супраць рэзалюцыі акрамя Беларусі прагаласавалі Азербайджан, Арменія, Расія, Швейцарыя і шэраг іншых краін.
Летняя сесія ПА АБСЕ ў Мінску завяршылася прыняццем Мінскай дэкларацыі.-0-