Рэалізацыю ў Беларусі міжнародных праектаў у галіне народанасельніцтва абмеркавалі ў МЗС

2 кастрычніка, Мінск /Кар. БЕЛТА/. Рэалізацыю праектаў Фонду ААН у галіне народанасельніцтва (ЮНФПА) у Беларусі і актуальныя пытанні ўзаемадзеяння абмеркавалі ў МЗС. Аб гэтым БЕЛТА паведамілі ў прэс-службе ведамства.

Намеснік міністра замежных спраў Рэспублікі Беларусь Ігар Сякрэта сустрэўся з намеснікам дырэктара Рэгіянальнага офіса ЮНФПА па Усходняй Еўропе і Цэнтральнай Азіі Клаусам Бекам, які знаходзіцца ў Мінску з рабочым візітам. Субяседнікі абмеркавалі рэалізацыю праектаў ЮНФПА ў Беларусі і актуальныя пытанні ўзаемадзеяння.

Ігар Сякрэта інфармаваў аб прыярытэтах дэмаграфічнай палітыкі Беларусі і мерах, што прымаюцца ў краіне для паляпшэння дэмаграфічнай сітуацыі. Намеснік міністра падкрэсліў важнасць арыентацыі работы ЮНФПА на патрэбы і запыты дзяржаў і выказаў зацікаўленасць у развіцці супрацоўніцтва з Фондам у рамках Краінавай праграмы ЮНФПА для Беларусі на 2026-2030 гады, якая адпавядае нацыянальным інтарэсам.

Клаус Бек пазітыўна ацаніў стан супрацоўніцтва ЮНФПА і Беларусі, выказаў гатоўнасць садзейнічаць у вырашэнні прыярытэтных для беларускага боку пытанняў у галіне народанасельніцтва.-0-