13 снежня, Мінск /Кар. БЕЛТА/. Націск з боку заходніх краін не ўплывае на развіццё ЕАЭС. Больш таго, цікавасць да інтэграцыйнага аб'яднання выказваюць ва ўсіх рэгіёнах свету. Такое меркаванне ў эфіры тэлеканала "Беларусь 1" выказаў генеральны дырэктар Цэнтра вывучэння перспектыў інтэграцыі (Расія) Сяргей Ракеда, каменціруючы вынікі пасяджэння Вышэйшага Еўразійскага эканамічнага савета, паведамляе БЕЛТА.
Экспертная супольнасць упэўнена: толькі ў адзінстве можна стаць на абарону інтарэсаў ЕАЭС і забяспечыць рост эканомік краін-удзельніц.
"У плане свабоды перамяшчэння тавараў, рабочай сілы ў нас прагрэс відавочны, і ён дае свой эканамічны эфект. Ёсць добры эфект у адносінах з трэцімі краінамі. Я маю на ўвазе заключэнне пагаднення аб зоне свабоднага гандлю, перагаворы з новымі краінамі аб эканамічным супрацоўніцтве з ЕАЭС. І гэтаму шмат увагі ўдзялялася на апошнім саміце", - сказаў Сяргей Ракеда.
Паводле яго слоў, ЕАЭС прызнаюць і выказваюць да яго цікавасць ва ўсіх рэгіёнах свету, "пачынаючы ад Лацінскай Амерыкі і заканчваючы Афрыкай і Усходняй Азіяй. Таму знешнеэканамічны трэк у ЕАЭС развіваецца вельмі паспяхова, інтэнсіўна, і націск з боку заходніх краін тут ніколькі не перашкаджае".-0-