Сцяг Панядзелак, 20 мая 2024
Усе навіны
Усе навіны
Палітыка
13 сакавіка 2023, 12:35

Раісі: Іран гатовы дзяліцца з Беларуссю сваім вопытам процістаяння санкцыям

13 сакавіка, Тэгеран /Кар. БЕЛТА/. Іран гатовы падзяліцца з Беларуссю сваім вопытам процістаяння санкцыям. Аб гэтым Прэзідэнт Ірана Эбрахім Раісі заявіў на сустрэчы з прадстаўнікамі СМІ па выніках перагавораў у Тэгеране з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Нягледзячы на тыя пагрозы і санкцыі, якія прымяняюць супраць Ісламскай Рэспублікі Іран, мы за гэты час змаглі дасягнуць высокіх вынікаў і трансфармаваць санкцыі ў магчымасці. Мы гатовы дзяліцца нашым вопытам з дружалюбнай краінай Рэспублікай Беларусь у гэтым напрамку", - сказаў Эбрахім Раісі.

Прэзідэнт Ірана не сумняваецца, што гэты візіт беларускага лідара можа стаць зыходным пунктам у развіцці двухбаковых адносін. Па выніках перагавораў кіраўнікі дзяржаў падпісалі дарожную карту ўсебаковага супрацоўніцтва паміж Беларуссю і Іранам на 2023-2026 гады. Дакумент прадугледжвае развіццё ўзаемадзеяння Беларусі і Ірана ў палітычнай, эканамічнай, консульскай, навукова-тэхнічнай сферах, а таксама ў сферы адукацыі, культуры, мастацтва, СМІ і турызму.

"Дасягнуты добрыя дамоўленасці ў сферы прамысловасці, гандлю, транспарту, сельскай гаспадаркі. Мы ўпэўнены, што гэтыя дамоўленасці будуць выкананы, - падкрэсліў кіраўнік іранскай дзяржавы. - Воля дзвюх краін заключаецца ў развіцці адносін ва ўсіх без выключэння сферах".

Паводле яго слоў, Іран таксама зацікаўлены развіваць адносіны з Беларуссю на пляцоўках міжнародных арганізацый, у прыватнасці, у Шанхайскай арганізацыі супрацоўніцтва і ЕАЭС. "І ў нас былі вельмі добрыя, плённыя перагаворы ў сувязі з гэтым", - адзначыў Эбрахім Раісі.-Э-

Падпісвайцеся на нас у
Twitter
Топ-навіны
Свежыя навіны Беларусі