11 кастрычніка, Душанбэ /Кар. БЕЛТА/. Таджыкістан зацікаўлены ў развіцці супрацоўніцтва з беларускім бокам у сферах лёгкай, харчовай, фармацэўтычнай, хімічнай і горназдабыўной прамысловасці. Аб гэтым заявіў журналістам Прэзідэнт Таджыкістана Эмамалі Рахмон па выніках перагавораў з Прэзідэнтам Беларусі Аляксандрам Лукашэнкам у Душанбэ, перадае карэспандэнт БЕЛТА.
"Аграрны сектар у сферы прамысловай кааперацыі і міжрэгіянальнае супрацоўніцтва былі абазначаны ў якасці прыярытэтных напрамкаў эканамічнага ўзаемадзеяння. У кантэксце рэалізацыі праграмы паскоранага развіцця прамысловасці Таджыкістана мы адзначылі нашу зацікаўленасць у развіцці супрацоўніцтва з беларускім бокам у сферах лёгкай, харчовай, фармацэўтычнай, хімічнай і горназдабыўной прамысловасці", - сказаў Эмамалі Рахмон.-0-
