ДЗЯРЖОРГАНЫДЗЯРЖОРГАНЫ
Флаг Пятніца, 3 снежня 2021
Мінск -2°C
Усе навіны
Усе навіны
Палітыка
10 верасня 2021, 18:54

Рахманаў: дынаміка інтэграцыі вызначаецца ў тым ліку змяненнем сіл на міжнароднай арэне

Фота з архіва
Фота з архіва

10 верасня, Масква /Эдуард Півавар - БЕЛТА/. Дынаміка інтэграцыі паміж Беларуссю і Расіяй вызначаецца ў тым ліку змяненнем сіл на міжнароднай арэне. Такое меркаванне выказаў у час відэамоста Масква-Мінск, прысвечанага вынікам праведзенай напярэдадні сустрэчы прэзідэнтаў Беларусі і Расіі, сустаршыня Асацыяцыі знешнепалітычных даследаванняў імя А.А. Грамыкі член-карэспандэнт Нацыянальнай акадэміі навук Беларусі Сяргей Рахманаў, перадае карэспандэнт БЕЛТА.

"Што датычыцца інтэграцыі, то яна апошнім часам набыла высокую дынаміку, і гэта вызначаецца ў тым ліку змяненнем суадносін сіл на міжнароднай арэне, - сказаў Сяргей Рахманаў. - Рух насустрач адзін аднаму выяўляецца ў інтэнсіўных кантактах нашых лідараў, якія ў гэтым годзе пяты ўжо раз сустракаюцца, што беспрэцэдэнтна ў сусветнай практыцы".

Сяргей Рахманаў канстатаваў: аснова павышэння дабрабыту грамадзян Беларусі і Расіі - эканоміка. "Калі мы рэалізуем дасягнутыя (на сустрэчы прэзідэнтаў 9 верасня. - Заўвага БЕЛТА) дамоўленасці, мы ў першую чаргу забяспечым больш высокі ўзровень самадастатковасці, - адзначыў ён. - Цяпер празмерная залежнасць ад знешніх фактараў, гэта стварае элемент нестабільнасці, таму што турбулентнасці ў сусветнай эканоміцы ўплываюць і на стан спраў у Расіі і Беларусі. Гэта не значыць, што мы будзем адгароджвацца бар'ерамі і будзем існаваць незалежна ад навакольнага свету. Гэта значыць, што мы зробім сур'ёзныя крокі і па праблемах імпартазамяшчэння, па праблемах замяшчэння той прадукцыі, якую мы купляем за мяжой".

"І яшчэ ў гэтым кантэксце вельмі важна іншае: мы па сутнасці кансалідуем грамадства. Рух Расіі і Беларусі насустрач адзін аднаму - выключна важны фактар. Дзякуючы гэтаму мы будзем адчуваць сябе як адзіную супольнасць, гэта будзе важны цывілізацыйны складнік, гэта забяспечыць пачуццё ўпэўненасці, большай устойлівасці, пачуццё пляча. Гэта трэба для таго, каб людзі адчулі сябе на гэтай зямлі ўпэўнена, не толькі для сябе, але і для сваіх дзяцей і ўнукаў", - падкрэсліў Сяргей Рахманаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі