ДЗЯРЖОРГАНЫДЗЯРЖОРГАНЫ
Флаг Аўторак, 5 ліпеня 2022
Мінск Суцэльная воблачнасць +18°C
Усе навіны
Усе навіны
Палітыка
31 сакавіка 2022, 14:04

Рачкоў растлумачыў, чаму Беларусі і Расіі важна быць яшчэ бліжэй

Сяргей Рачкоў
Сяргей Рачкоў

31 сакавіка, Мінск /Кар. БЕЛТА/. Турбулентнасць у міжнародных адносінах, фарміраванне шматпалярнай светабудовы абазначае, што Беларусі і Расіі трэба быць яшчэ бліжэй. Такое меркаванне агучыў старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў падчас праведзенага ў БЕЛТА круглага стала, прымеркаванага да Дня яднання народаў Беларусі і Расіі.

"Гуманітарны складнік мае вялікае значэнне. У сённяшняй няпростай сітуацыі мы ўбачылі, што людзі павінны быць бліжэй адзін да аднаго, разумець адзін аднаго. Гэта адбываецца праз развіццё народнай дыпламатыі, парламенцкага ўзаемадзеяння", - сказаў Сяргей Рачкоў.

Падпісанне ў лістападзе 2021 года кіраўнікамі Беларусі і Расіі 28 саюзных праграм, адзначыў сенатар, падштурхнула да развіцця ўзаемаадносін. "Мы адразу ўбачылі дадатковую цікавасць з боку расійскіх калег да нас па лініі парламенцкага ўзаемадзеяння, нашы міністэрствы гэта падкрэсліваюць. Мы сталі больш праводзіць сумесных пасяджэнняў і калегій і сустракацца па ўжо канкрэтных прадметных пытаннях выбудоўвання адзінай эканамічнай прасторы. Задачы каласальныя, паколькі ідзе складаная, шматпланавая работа па гарманізацыі заканадаўчай базы. Называліся розныя лічбы - ад 300 да 400 - неабходна розных дакументаў падрыхтаваць, удакладніць, скарэкціраваць, каб пачалі працаваць гэтыя праграмы", - звярнуў ён увагу.

"Турбулентнасць у міжнародных адносінах, фарміраванне шматпалярнай светабудовы, спроба пад гэта таксама змяніць глабальнае геаэканамічнае ўладкаванне свету абазначае, што Беларусі і Расіі трэба быць яшчэ бліжэй, хутчэй вырашаць існуючыя праблемы", - дадаў Сяргей Рачкоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі