Фота Палаты прадстаўнікоў
21 лютага, Мінск /Кар. БЕЛТА/. Парламенцкая асамблея АБСЕ прызначана быць аб'ектыўным форумам для раўнапраўнага, адкрытага і інклюзіўнага дыялогу, заявіў старшыня Пастаяннай камісіі па міжнародных справах Палаты прадстаўнікоў Сяргей Рачкоў на сумесным пасяджэнні трох агульных камітэтаў ПА АБСЕ ў Вене, паведамляе БЕЛТА.
"Сярод прыярытэтных выклікаў і задач, якія неабходна вырашаць нашай арганізацыі, Беларусь бачыць наступныя. Па-першае, як спыніць скочванне ў эскалацыйную варонку. Па-другое, як аднавіць давер і рэанімаваць дух Хельсінкі, асабліва з улікам цяперашняга юбілейнага года. І, па-трэцяе, як выратаваць АБСЕ ад дэзынтэграцыі. Паколькі той інстытуцыянальны крызіс, з якога не можа выбрацца наша арганізацыя, - гэта якраз вынік татальнага дэфіцыту даверу і пагарджанне шэрага "выбраных" краін меркаваннем астатніх", - сказаў Сяргей Рачкоў.
Ультыматумы для вырашэння гэтых пытанняў яўна не спрацуюць, адзначыў парламентарый. "Патрэбна, як мінімум, вяртанне да прынцыпу непадзельнасці бяспекі, які зафіксаваны ў Статуце ААН і асноўных дакументах АБСЕ, - падкрэсліў ён. - На жаль, на прасторы АБСЕ гэты прынцып дае збой. Гэта прывяло да катастрафічных наступстваў. Украіна і яе народ сталі разменнай манетай у вялікай гульні ўладных людзей за захаванне глабальнай гегемоніі. Беларусь з самага пачатку выступала за мірнае ўрэгуляванне ўкраінскага крызісу шляхам перагавораў і рабіла для гэтага практычныя намаганні. Мы і цяпер гатовы зрабіць усё, што ад нас залежыць, для міру і бяспекі ў рэгіёне. І, зразумела, любыя дамоўленасці, якія будуць дасягацца ў сувязі з гэтым, павінны ўключаць і забеспячэнне гарантый бяспекі для Беларусі".
"Парламенцкая асамблея АБСЕ прызначана быць аб'ектыўным форумам для раўнапраўнага, адкрытага і інклюзіўнага дыялогу і супрацоўніцтва, каштоўнасць якіх асабліва ўзрастае ва ўмовах бягучага абвастрэння геапалітычнай канфрантацыі. Падыходы, якія пазбаўляюць паўнапраўных членаў Асамблеі магчымасці прадстаўляць свае нацыянальныя пазіцыі, падрываюць міжнародны аўтарытэт і асновы ўсёй нашай арганізацыі, - дапоўніў Сяргей Рачкоў. - Размова ідзе аб нядопуску беларускай дэлегацыі для ўдзелу ў сесіях у Бухарэсце і Дубліне. У сувязі з гэтым дэлегацыя Беларусі чарговы раз заклікае вас, паважаная спадарыня старшыня (Пія Каўма. - Заўвага БЕЛТА), выкарыстоўваць свой аўтарытэт кіраўніка асамблеі, што мае роўныя абавязацельствы перад усімі без выключэння членамі ПА АБСЕ, для забеспячэння рэальнай, а не дэкларатыўнай інклюзіўнасці дзейнасці асамблеі".
Дэлегацыя Нацыянальнага сходу Беларусі ў ПА АБСЕ пад кіраўніцтвам старшыні Пастаяннай камісіі па міжнародных справах Палаты прадстаўнікоў 20-21 лютага прымае ўдзел у 24-м зімовым пасяджэнні Парламенцкай асамблеі Арганізацыі па бяспецы і супрацоўніцтве ў Еўропе ў Вене (Аўстрыя). У праграме мерапрыемства - пасяджэнні Пастаяннага камітэта ПА АБСЕ і трох агульных камітэтаў па палітычных пытаннях і бяспецы, па эканамічных пытаннях, навуцы, тэхналогіі і навакольным асяроддзі, па дэмакратыі, правах чалавека і гуманітарных пытаннях, а таксама сумесныя пасяджэнні названых камітэтаў. Запланаваны выступленні членаў беларускай дэлегацыі па тэматыцы парадку дня зімовага пасяджэння ПА АБСЕ, правядзенне сустрэч з парламентарыямі дзяржаў - удзельніц АБСЕ.-0-
"Сярод прыярытэтных выклікаў і задач, якія неабходна вырашаць нашай арганізацыі, Беларусь бачыць наступныя. Па-першае, як спыніць скочванне ў эскалацыйную варонку. Па-другое, як аднавіць давер і рэанімаваць дух Хельсінкі, асабліва з улікам цяперашняга юбілейнага года. І, па-трэцяе, як выратаваць АБСЕ ад дэзынтэграцыі. Паколькі той інстытуцыянальны крызіс, з якога не можа выбрацца наша арганізацыя, - гэта якраз вынік татальнага дэфіцыту даверу і пагарджанне шэрага "выбраных" краін меркаваннем астатніх", - сказаў Сяргей Рачкоў.
Ультыматумы для вырашэння гэтых пытанняў яўна не спрацуюць, адзначыў парламентарый. "Патрэбна, як мінімум, вяртанне да прынцыпу непадзельнасці бяспекі, які зафіксаваны ў Статуце ААН і асноўных дакументах АБСЕ, - падкрэсліў ён. - На жаль, на прасторы АБСЕ гэты прынцып дае збой. Гэта прывяло да катастрафічных наступстваў. Украіна і яе народ сталі разменнай манетай у вялікай гульні ўладных людзей за захаванне глабальнай гегемоніі. Беларусь з самага пачатку выступала за мірнае ўрэгуляванне ўкраінскага крызісу шляхам перагавораў і рабіла для гэтага практычныя намаганні. Мы і цяпер гатовы зрабіць усё, што ад нас залежыць, для міру і бяспекі ў рэгіёне. І, зразумела, любыя дамоўленасці, якія будуць дасягацца ў сувязі з гэтым, павінны ўключаць і забеспячэнне гарантый бяспекі для Беларусі".
"Парламенцкая асамблея АБСЕ прызначана быць аб'ектыўным форумам для раўнапраўнага, адкрытага і інклюзіўнага дыялогу і супрацоўніцтва, каштоўнасць якіх асабліва ўзрастае ва ўмовах бягучага абвастрэння геапалітычнай канфрантацыі. Падыходы, якія пазбаўляюць паўнапраўных членаў Асамблеі магчымасці прадстаўляць свае нацыянальныя пазіцыі, падрываюць міжнародны аўтарытэт і асновы ўсёй нашай арганізацыі, - дапоўніў Сяргей Рачкоў. - Размова ідзе аб нядопуску беларускай дэлегацыі для ўдзелу ў сесіях у Бухарэсце і Дубліне. У сувязі з гэтым дэлегацыя Беларусі чарговы раз заклікае вас, паважаная спадарыня старшыня (Пія Каўма. - Заўвага БЕЛТА), выкарыстоўваць свой аўтарытэт кіраўніка асамблеі, што мае роўныя абавязацельствы перад усімі без выключэння членамі ПА АБСЕ, для забеспячэння рэальнай, а не дэкларатыўнай інклюзіўнасці дзейнасці асамблеі".
Дэлегацыя Нацыянальнага сходу Беларусі ў ПА АБСЕ пад кіраўніцтвам старшыні Пастаяннай камісіі па міжнародных справах Палаты прадстаўнікоў 20-21 лютага прымае ўдзел у 24-м зімовым пасяджэнні Парламенцкай асамблеі Арганізацыі па бяспецы і супрацоўніцтве ў Еўропе ў Вене (Аўстрыя). У праграме мерапрыемства - пасяджэнні Пастаяннага камітэта ПА АБСЕ і трох агульных камітэтаў па палітычных пытаннях і бяспецы, па эканамічных пытаннях, навуцы, тэхналогіі і навакольным асяроддзі, па дэмакратыі, правах чалавека і гуманітарных пытаннях, а таксама сумесныя пасяджэнні названых камітэтаў. Запланаваны выступленні членаў беларускай дэлегацыі па тэматыцы парадку дня зімовага пасяджэння ПА АБСЕ, правядзенне сустрэч з парламентарыямі дзяржаў - удзельніц АБСЕ.-0-
Падпісвайцеся на нас у
