ДЗЯРЖОРГАНЫДЗЯРЖОРГАНЫ
Флаг Нядзеля, 7 жніўня 2022
Мінск Ясна +13°C
Усе навіны
Усе навіны
Палітыка
02 лютага 2022, 16:40

Рачкоў: Індыя асабліва важна для пашырэння беларускага экспарту на рынкі краін далёкай дугі

Сяргей Рачкоў
Сяргей Рачкоў

2 лютага, Мінск /Кар. БЕЛТА/. Індыя асабліва важна для пашырэння беларускага экспарту на рынкі краін далёкай дугі, заявіў журналістам старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў. Ён прыняў удзел у сустрэчы старшыні Савета Рэспублікі Наталлі Качанавай з Надзвычайным і Паўнамоцным Паслом Індыі ў Беларусі Алокам Ранджанам Джа, перадае карэспандэнт БЕЛТА.

"Паміж нашымі краінамі складваюцца добрыя палітычныя адносіны, развіваецца гандлёва-эканамічнае супрацоўніцтва, інвестыцыйнае ўзаемадзеянне. Мы актыўна падтрымліваем адзін аднаго ў міжнародных арганізацыях, рэалізуецца шмат сумесных ініцыятыў і праектаў, - сказаў Сяргей Рачкоў. - Вядома ж, Індыя сёння для нас асабліва важна з пункту гледжання пашырэння беларускага экспарту на знешнія рынкі, на рынкі краін далёкай дугі. У нас апошнія 5 гадоў дынамічна развіваецца ўзаемны гандаль. У 2020 годзе ўзаемны тавараабарот дасягнуў амаль $600 млн. Гэта важкія лічбы. Мы рэалізуем вельмі важныя для нашай краіны праекты па пастаўцы кар'ернай тэхнікі, трактароў, прадуктаў харчавання, прадукцыі нафтахімічнай галіны. У нас у гэтым плане вельмі сур'ёзны зачын і ёсць добрыя перспектывы".

Сенатар падкрэсліў: у Беларусі накоплена амаль $5 млн прамых інвестыцый з Індыі. "Мы зацікаўлены ў супрацоўніцтве з Індыяй у галіне фармацэўтыкі, і яно развіваецца. Мы імпартуем лякарствы, у тым ліку для процідзеяння каранавіруснай інфекцыі", - адзначыў ён.

Актыўна ўзаемадзейнічаюць парламенты дзвюх краін. "Мы зацікаўлены ў тым, каб прадаўжаліся абмены парламенцкімі дэлегацыямі. Мы гатовы прымаць індыйскіх парламентарыяў у Беларусі, паказваць нашу краіну і інфармаваць аб рэальнай сітуацыі. У Нацыянальным сходзе Беларусі створана група дружбы. Цяпер завяршаецца фарміраванне групы дружбы ў парламенце Індыі. Я спадзяюся, што ў бліжэйшы час нашы парламентарыі змогуць абмеркаваць перспектывы развіцця двухбаковых парламенцкіх адносін, пачнуць абменьвацца візітамі, працаваць у фармаце відэа-канферэнц-сувязі для абмеркавання злабадзённых пытанняў, у першую чаргу ў сферы эканомікі, гуманітарнага супрацоўніцтва", - канстатаваў Сяргей Рачкоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі