26 верасня, Масква /Кар. БЕЛТА/. Сітуацыя ў супрацоўніцтве Расіі і Беларусі вельмі добрая. Аб гэтым Прэзідэнт Расіі Уладзімір Пуцін заявіў на сустрэчы ў Крамлі з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"У цэлым сітуацыя ў нас вельмі добрая ў эканамічнай сферы. Гэта нешта дзіўнае: звыш $50 млрд у нас тавараабарот, і ён ад такой вялікай базы прадаўжае расці (рост назіраўся ў 2024-м і прадаўжаецца, зыходзячы з даных за мінулы перыяд 2025-га. - Заўвага БЕЛТА)", - звярнуў увагу Уладзімір Пуцін, дадаўшы, што Расія па накопленых інвестыцыях ($4,5 млрд) лідзіруе сярод гандлёва-эканамічных партнёраў Беларусі.
"Увогуле, фактычна па ўсіх напрамках у нас актыўная работа ідзе", - падкрэсліў Прэзідэнт Расіі.
Тое ж самае, паводле яго слоў, датычыцца і пытанняў забеспячэння бяспекі Саюзнай дзяржавы. "Тут, як мы з вамі і дамаўляліся, усё рытмічна, у рабочым рэжыме ідзе. Натуральным чынам усё развіваецца".
"Хачу вам падзякаваць за такое ўважлівае стаўленне да ўсіх напрамкаў нашага ўзаемадзеяння. Я вельмі рады вас бачыць", - сказаў расійскі лідар, звяртаючыся да Прэзідэнта Беларусі.-0-
Падпісвайцеся на нас у
