1 ліпеня, Гродна /Кар. БЕЛТА/. Саюзная дзяржава з'яўляецца прыкладам па-сапраўднаму ўзаемавыгаднай і раўнапраўнай інтэграцыі, заявіў Прэзідэнт Расіі Уладзімір Пуцін у сваім відэазвароце на пленарным пасяджэнні "Роля міжрэгіянальнага супрацоўніцтва ў паглыбленні інтэграцыйных працэсаў Саюзнай дзяржавы", перадае карэспандэнт БЕЛТА.
"Мы змаглі дасягнуць сапраўды ўзорнага ўзроўню стратэгічнага партнёрства і саюзніцтва. А Саюзная дзяржава з'яўляецца прыкладам па-сапраўднаму ўзаемавыгаднай і раўнапраўнай інтэграцыі", - сказаў Уладзімір Пуцін.
Паводле яго слоў, Расія і Беларусь прадаўжаюць паслядоўна нарошчваць супрацоўніцтва ў палітыцы, у гандлёва-эканамічнай і гуманітарнай сферах. Робіцца гэта на прынцыпах узаемнай павагі, падтрымкі і ўліку інтарэсаў адзін аднаго. "Адзначу, што ў горадзе Гродне, дзе праходзіць цяперашні Форум рэгіёнаў, адкрываецца Генеральнае консульства Расійскай Федэрацыі. Упэўнены, што пашырэнне расійскага дыпламатычнага прадстаўніцтва ў Беларусі будзе садзейнічаць развіццю шматграннага міжрэгіянальнага супрацоўніцтва", - дапоўніў Прэзідэнт Расіі.
Удзел у пленарным пасяджэнні прымаюць кіраўнікі міністэрстваў і ведамстваў, органаў дзяржаўнай улады, прадпрыемстваў і арганізацый, прадстаўнікі дзелавых колаў Беларусі і Расіі.-0-
