19 снежня, Мінск /Кар. БЕЛТА/. Прэзідэнт Расіі Уладзімір Пуцін пацвердзіў планы аб палёце беларускага касманаўта ў 2023 годзе. Аб гэтым ён заявіў па выніках перагавораў з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"У наступным годзе, як і дамовіліся, запланаваны палёт на арбітальную станцыю беларускага касманаўта", - сказаў кіраўнік расійскай дзяржавы.
Расійскі лідар таксама паведаміў, што Аляксандр Лукашэнка прыняў яго запрашэнне ў бліжэйшыя дні наведаць цэнтр падрыхтоўкі касманаўтаў у Расіі перад нефармальным самітам СНД у Санкт-Пецярбургу. "Аляксандр Рыгоравіч, калі я правільна вас зразумеў, прыняў маё запрашэнне наведаць цэнтр падрыхтоўкі касманаўтаў у Расіі ў бліжэйшыя дні перад нефармальным самітам СНД у Пецярбургу", - сказаў Уладзімір Пуцін.-0-
