9 снежня, Бішкек /Кар. БЕЛТА/. Прэзідэнт Расіі Уладзімір Пуцін на пасяджэнні Вышэйшага Еўразійскага эканамічнага савета ў пашыраным складзе адзначыў пазітыўную работу па ключавых беларуска-расійскіх інтэграцыйных праектах, перадае карэспандэнт БЕЛТА.
На саміце Уладзімір Пуцін згадаў аб развіцці беларуска-расійскай кааперацыі і інтэграцыйных праектах.
"У нас у прынцыпе кааперацыя развіваецца нядрэнна. Апошнім часам намецілася пазітыўная работа па некаторых ключавых, найважнейшых напрамках узаемадзеяння. Упэўнены, што гэта набудзе шырокі характар у цэлым у нашай арганізацыі", - сказаў расійскі лідар.
Паводле слоў Прэзідэнта Расіі, умацаванне тэхналагічнага суверэнітэту краін ЕАЭС і фарміраванне агульнай інавацыйнай і прамысловай базы ў ключавых індустрыяльных галінах павінна стаць адным са стратэгічных напрамкаў паглыблення інтэграцыі.-0-
